Covalima (RCCT) 04-03-25-Ministeriu Finansa Liu husi Autoridade Aduaneiru Liberta ona rai hetar ualu hodi iha fronteira Postu Integradu Salele atu utiliza ba konstrusaun dormitoriu ba funsiunariu sira no mos harí fatin ba makina mobile Cargo Ex-Ray no Body Inspection.
Notisia relevante : https://www.rcct.tl/alfandega-seidauk-utiliza-makina-mobile-cargo-x-ray-tanba-laiha-fatin-permanente/
Diretór Autoridade Aduaneiro Munisipiu Covalima, Nuno Nogueira, informa durante ne’e servisu Alfandega seidauk utilaza makina Mobile Cargo Ex-Ray no Body Inspection hodi fasilita servisu, basa seidauk iha fatin ba makina ne’e.
“Ministeriu Finansas liu husi Diresaun Aduaneiru halo lansamentu ba makina X-ray iha momentu ne’eba, depois ita mos liberta ona rai lubuk ida iha Postu Salele ne’e rasik, liberta rai ne’e signifika katak atu halo fatin ba makina X-Ray no mos ba jembatan Timbang. Maibe agora daudaun makina X-Ray ne’e ita seidauk utiliza tanba seidauk iha fatin” informa Diretór Autoridade Aduaneiro Munisipiu Covalima, Nuno Nogueira.
Nuno afirma katak governu indiminiza ona komunidade nia plantasaun ne’ebé kuda iha propridade publiku estadu (rai) hektar ualu ne’ebé sei uza ba alargamentu Fronteira Postu Integradu Salele.
“Rai lubuk ida maka ita liberta ona, ita fo ona indiminizasaun ba sira, tanba rai ne’e estadu, foin lalais komisariu ho diretór sira konvida ami ba tuir enkontru iha nasional katak iha ona orientasaun lakleur tan husi jestaun fronteira kompaña ne’ebé manantenderizasaun atu mai hadi’a fatin ne’e hodi rai makina X-Ray ba nune’e ba futuru bele utiliza ona” nia dehan.
Lee tan : https://www.rcct.tl/vise-ministra-finansas-halo-vizita-traballu-ba-fronteira-postu-integradu-salele/
Governu liu husi Ministeriu Finansas halo lansamentu ba mobile Cargo Ex-Ray no Body Inspection iha Fronteira Postu Integradu Salele iha loron 10 fulan maiu 2024. Enkuantu Diretór Autoridade Aduaneiro Munisipiu Covalima, Nuno Nogueira, informa durante ne’e Alfandega Covalima la uza makina X-Ray hodi halo Scan ba sasan importasaun iha pontu entrada Salale tanba seidauk iha fatin ida ne’ebé seguru atu rai makina X-Ray ne’e.
Jornalista : Julio Salinas
Editor : Chamot Nahac
