Covalima (RCCT) 10-01-25-Artista Telenovela husi Indonezia, Yasmine Napper ne’ebé akompaña husi nia aman inan rasik halo’o ferias iha Timor Leste no fo nia biban hodi hala’o vizita mai iha Munisipiu Covalima.
Nune’e Komunidade Covalima liu liu Admiradór (Pengemar) sira Antisiasmu hakarak rekorda momentu ne’e ho Yaamine liu husi hasai foto grafia hamotuk.
Tanba ne’e Yasmin Napper ho familia sente kontente bainhira to’o iha Covalima hare natureza furak ne’ebé bele atrai turista sira mai vizita hodi kontribui ba ekonomia familia, Yasmine mos kontente wainhira hatais tradisional uza tais timor ne’ebé inan feton sira prepara iha Uma Bukar, iha Kamanasa, Manekin.
“Ho familia hakarak la’o halimar mai iha Timor no ohin tama ona ba loron rua iha Covalima, no horseik ha’u la’o halimar ba iha tasi ibun hodi hare natureza Timor nian mesak furak, no enjoy tebes bainhira koko han ai han lokal iha Covalima, no ha’u sei loron 4 tan iha Timor-Leste, no ohin ha’u mai iha Suai, Kamanasa hodi hatais tais husi uma lisan Bukar nian no hasai foto hamutuk ho ferik sira inklui joven sira iha Suku ida ne’e” Yasmine Nappar dehan ba jornalista sira iha Uma Bukar, Aldeia Manekin, Suku Kamanasa, Postu Administrativu Suai, Sesta (10/01) ho lian Indonesia.
Ho oportunidade ida ne’e Yasmin Napper mos husu joven sira atu badinas ba eskola no badinas estuda nune’e hodi hadi’a moris iha futuru.
“Liliu ba joven sira iha Timor-Leste imi tenke badinas estuda nune’e bele hadi’a moris iha futuru mai, no husu atu kuidadu natureza no kultura ne’ebé Timor-Leste iha liliu iha rai Covalima” Yasmin dehan.
Artista Telenovela Yasmin Napper ho familia ninia pezensa iha Timor-Leste liliu iha hakat liu mai Munisipiu Covalima durante loron rua hafoin ohin loron 10 fulan Janeiru Yasmine ho nia familia kontinua Vizita fali RAEOA liu husi Pontu Entrada Salele.
Enkuantu durante loron rua iha Covalima, Yasmine Napper ho nia familia halo vizita ba iha Suku Kamanesa Aldeia Manekin Prinsipalmente iha Uma Bukar hodi anima Komunidade no ninia Admiradór (Pengemar) sira liu husi dahur (tebe tebe) no foto hamotuk ho Moda (Busana) Timor Nian liu husi hatais tais timor, halo vizita no han kalan iha Baraka Tasi Suai loro, Vizita hodi komprementa Prezidente Autoridade Covalima no mos hala’o vizita ba fatin hakiak kuda kalerak señor Rui Lopes nian iha Suku Kasabauk.
Jornalista : Julio Salinas
Editor : Chamot Nahac
