RCCT BANNER

Istoria

Istoria Badak RCCT

Naran           : Radio Comunidade Cova Taroman

Frekuensia   : FM 94.5 MHZ

Website       : www.rcct.tl

Edressu       : Rua St. Rosa-Debos-Suai-Covalima-Timor Leste

Introdusaun

Radio Comunidade Cova Taroman (RCCT) Hanesan uniku media komunitariu ida ne’ebé estabelese iha Munisipiu Covalima, ne’ebé estabelese iha loron 2 Fulan Fevereiru Tinan 2002 no inagura iha loron 30 Fulan Novembro Tinan 2002.

RCCT hari ho ninia Estatutu rasik atu hodi defini objetivu no kna’ar RCCT no servisu membru sira nian ne’ebé promove liberdade espresaun hodi simu no fahe informasaun ne’ebé justu ba komunidade iha Timor-Leste liu-liu iha Munisipiu Covalima, Hanesan hatur nanis ona iha Lei Inan Timor Leste ne’ebé rekoñese liberdade imprensa nudar elementu importante ba kriasaun vida demokrátiku. ne’ebé mak hakerek iha artigu 41.° Lei Inan Timor Leste hodi fo expresaun no opiaun ba Liberdade imprensa no komunikasaun sosiál iha Timor-Leste.

RCCT Hari ho Misaun no Vizau rasik ne’ebé hatur iha ninia Estatuto iha KAPÍTULU II ne’ebe koalia konaba VIZAUN, MISSAUN, ESTRATEJIKU, PRINSIPIU NO OBJETIVU SIRA.

Iha RCCT Difini ba orgaun Rua mak hanesan ; Konsellu Radio mak orgaun ida ne’ebe bot liu hamotuk ema na’in Sanulu ne’ebé kompostu Prezidente Konsellu na’in ida, Vice na’in ida, Sekretariu na’in ida no Membru na’in hitu, Orgaun ida seluk mak Orgaun Ezekutivu ne’ebé Kompostu ema na’in 6 sura husi Jestor na’in no mos Jornalista Voluntario Senior na’in 5 no Voluntario Sira ne’ebé hakrak aprende iha Radio Cova Taroman.

Programa Prinsipal no Segmentu sira

Radio Cova Taroman iha Ninia Programa Prinsipal Tolu (3) mak hanesan; Prgrama Notisia, Edukativu no Programa Divertimentu.

Husi Programa Prinsipal Tolu ne’e Fahe fali ba Segmentu 6 mak hanesan; https://www.rcct.tl/programa/

1. NOTISIAS
Atualiza notisias no informasaun importante iha rai laran no mos husi rai liur ho lais no konfiavel. Notisias sobre mundu política, negócios, desportu, teknolojia, entretenimentu no seluktan.

2. TALKSHOW
Programa diskusaun sobre asuntu importante ho oradores ne’ebe espertu iha sira nian area rasik. Diskusaun realizadu ho atmosfera relaxante maibe nafatin seriu ho topiku mak diskutidu.

3. EDUKASAUN
Mai ita rona lian husi estudante sobre oinsa melhora sistema edukasaun iha rai laran. Programa ne’e mos sei partilia informasaun kona-ba materia siensia iha eskola.

4. ANIMASAUN
Rona, husu no dedika muzika furak ba familia no kolega tomak atraves segmento animasaun. Alende ne’e mos iha seksaun hato’o lian menon no mos kuis sobre mundu muzika.

5. KONSULTASAUN
Segmento programa diskusaun hamutuk ho dotor espesialista sira ne’ebe espertu iha sira nia area.

 

6. INSPIRASAUN
Mai rona no hetan informasaun diak sobre idea no hanoin furak nudar inspirasaun iha vida moris loron-loron.

 

Fornese Produtu

Bazeia ba Segmentu 6 husi Programa Prinsipal 3 ne’ebé RCCT Mensiona iha leten maka Produtu ne’ebé RCCT fornese ba Publiku maka hanesan Produsaun Audio hodi no Transmisaun iha Estasaun RCCT liu husi Frekuensia FM 95.4Mhz no mos Radio Streaming ne’ebé fo sain iha www.rcct.tl Produsaun Video ne’ebé Publika iha RCCT nia Kanal Youtube no mos Produtu jornlismu seluk hanesan Notisia Online ne’ebé Ami Publika iha website www.rcct.tl

        Prepara

     Jestor RCCT                   

Sancho Alves Nahac 

                                        Aprova

                         Prezidenti Konsellu RCCT

                                Edinho M. do Rego