Rai na’in faan rai, Inan faluk Amelia Cardoso ho ninia bei oan na’in 2 tenki muda no hari uma iha fatin seluk

Photo husi B'Noronha
Photo husi B’Noronha

Amelia Cardoso Tinan 49 nebe durante ne’e hela ho nia bei-oan na’in 2 nebe sei ki’ik, iha uma iha Suco Ogues Obrigatorio tenki muda sai husi nia hela fatin tanba na’in ba rai nebe nia halo uma faan ona rai ne’e ba ema seluk.

Amelia haktuir nia historia ba Jonarlista RCCT, antes ne’e nia hari’i uma iha ema nia rai iha Suco Ogues Posto Administrativu Maukatar, maibe rai nebe nia hela ba ne’e, na’in ba rai faan ona ba ema seluk tanba ne’e na’in ba rai obriga nia(Amelia Cardoso) tenke husik rai ne’e mamuk, no inan faluk Amelia Cardoso obrigado tenke sobu kedas nia uma hodi hela provizoriu iha rai mamuk balu iha Aldeia tabako Lot Suco Debos.

Bin ho Maun nia oan faan ona rai, ami hela iha ema nia rai iha Suku Ogues, nebe ema haruka ami sai tia, rai nain mai dehan ha’u “imi sai ona”, rona ida ne’e ha’u haholin sasan sira, iha loron ne’e ha’u sobu kedas uma, hodi tula ba  kareta isin rua mai kedas iha Aldeia Tabako Loot no mai maluk ida mos la iha no  mai ne’e mak labarik ki’ik oan rua mak halo sala-sala uma ki’ik ne’e,ha’u ajuda nia, ami taka netik hodi ami toba kalan ne’e”Amelia hateten Inan Faluk Amelia Cardoso Tersa (27-10-20) ba RCCT.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                        

Inan faluk ne’e hateten, nia atu hari’i uma nebe di’ak ba nia an no nia bei oan na’in 2 ne’ebe sei ki’ik hodi hela, maibe nia kbi’it lato’o.

Photo husi B'Noronha
Photo husi B’Noronha

Uma ne’e Amelia Harii ho nia forsa naton ne’e ho medida 4×3 nebe didin deit ho kalen nebe habit ho bebak no kesi ho tali akar, uja hadak nebe nahe deit iha rai hodi sai toba fatin bai nan faluk Amelia no ninia bei oan na’in 2.

No iha tempo kalan sira na’in 3 uja ahi oan tradisional hodi fo roman ba sira nain 3, Inan faluk ne’e dehan; nia iha material hanesan kalen, ai, no piku (bebak) maibe nia laiha forsa atu hari’i fila fali uma nebe antes ne’e nia sobu. maske familia barak maibe laiha familia ida mak  tau matan ba inan faluk ne’e

Ohin ne’e mak maun nia ferik oan ho nia bin mai hare ha’u, ne’e mak ha’u tanis, kuitadu imi halo hanesan ne’e imi halo demais mai ha’u, imi la tau matan ba ha’u mos husik ba, ha’u tanis ohin ne’e, ha’u hare sira ne’e ha’u tanis, ha’u atu halo uma mos ha’u beran laiha, ai mak rai ne’e rai mos sukat hotu ona maibe ha’u hanoin atu hodi bit halo maibe atu foti ai sae labele, tan ha’u beran laiha” tenik inan faluk Amelia Cardoso

Inan faluk amelia cardoso mos hatutan durante ne’e nia la hetan ajuda husi familia ka ema ruma, hanesan inan faluk nia mos seidauk simu subsidiu husi governu, tan ne’e nia dehan karik nia hetan ona subsidiu husi governu nia sei hari’i uma ki’ik ida ba nia-an no nia bei oan na’in 2 hodi hela ba.

“Hau feto faluk ida ema la tau matan ba ha’u no Osan faluk nian mos ha’u la hetan to’o agora ne’e, Ema hotu-hotu hetan osan faluk nian ne’e maibe ha’u la hetan, hodi ida ne’e mak  ha’u terus karik ha’u  hetan osan faluk nian ne’e  karik uma at ida  mos hau bele halo hodi hela ba,” Amelia cardoso hatutan.

oras ne’e dadaun inan faluk Amelia Cardoso ho nia bei oan mane na’in 2, ida tinan 10  no ida seluk foin tinan 6, hela provizoriu iha uma nebe sira na’in hari’i rasik iha Aldeia Tabaco lot, Suco Debos, Posto Suai, Municipio Covalima.

Kontributor : Ade Gorete

Editor : Chamot Nahac