Covalima (RCCT) 25-04-24- Governu Liu Husi Ministeriu Finanasa (MF) Sei Indiminiza Komunidade nia plantasaun ne’ebé kuda iha propridade publiku estadu hodi fo espasu ba konstrusaun dormitoriu ba funsionariu no instalasaun ekipamentu apoiu servisu iha fronteira postu ingradu salele.

Diretór Jeral Servisu Korporativu iha MF Joanico Pinto, esplika, iha fulan maiu nia laran Governu liu Ministeriu Finanas, efetua sei halo pagamentu direta ba komunidade na’in hat nia plantasaun ne’ebé kuda ona antes iha rai afetadu ba fatin konstrusaun dormitoriu ba funsiunariu no instalasaun ekipamentu apoiu servisu iha postu integradu salele. Portantu total osan ba indiminizasaun ne’e hamotuk dolar amerikanu rihun sanulu resin sia, atus tolu, hitu nulu resin sia ($19,379.00).

“Asinatura de akordu entre toos nain sira ho MF no mos reprezentosoens husi autoridade lokal, terras no propriedade atu kompensa ai horis sira ne’ebé kuda, Parseira hat ne’e husi ema na’in hat, Ministeriu kompensa deit aihoris sira ne’ebé sira kuda durante tinan naruk, Tuir lei depois de asina akordo ne’e iha , ministeriu sei halo esforsu para dentru de semana rua ami sei efetua pagamentu direta ba benefisia sira nia konta bankaria, tarde liu iha maio nia laran ami efetua pagamentu ba sira, portantu hahu husi asina akordu ohin, sasan hotu iha rai ne’e nia leten partense mai iha gogernu, iha tempu badak sei halo mobilizasaun hamotuk ho Institutu jestaun ekipamentu mai halo ateru tanba ba oin atu halo instalasaun ba fatin liu liu ba makina raesis no mos jembatan timbang “weighbridge” depois bele kontrola movimentu ba sasan sira tama no sai husi fronteira ida ne’e” Diretór Jeral Servisu Korporativu iha MF Joanico Pinto, esplika ba radio Comunidade Cova Taroman Iha Fronteira Postu Integadu Salele, Kinta (25/04).

Nune’e mos, Diretór Nasional Terras no Propriedade Gaspar de Sá Benevides, asentua, rai hetares ualu ne’ebé atu uza hodi halo alargamentu ba postu ingradu salele, ne’e hanesan propriedade publiku do estadu ne’ebé komunidade okupa, tanba ne’e estadu rekuiñese hodi halo indiminizasaun ba komunidade sira plantasaun.

“Terenu ho total oito hetares, ternu ne’e publiku de estadu maibe iha okupasaun antes husi ita nia komunidade ne’ebé iha nia plantasaun iha laran, estadu rekuñese plantasaun hirak ne’e maka ohin ho asetasaun komunidade hotu asina akordu indiminizasaun ba komunidade sira, hakarak asentua katak ida ne’e propriedade publiku do estadu, la’os espasu publiku estadu hanesan ne’ebé oras ne’e dadaun halo des-okupasaun forsada iha sidade dili, normaliza sidade dili ne’e ba espasu publiku, iha propriedade publiku do estadu, ida mak estadu rekuñese sira nia plantasaun hodi fo indiminizasaun atu nune’e bele halo alargamentu ba postu integradu salele” Diretór Nasional Terras no Propriedade Gaspar de Sá Benevides, asentu.

Sekretariu Munisipal Asuntu Sosiais no Organizasaun Filomeno Cardoso, fo sasin ba selebra asina akordu entre komunidade no governu liu husi ministeriu finansas, basa atu kontinua dezenvolve postu integradu salale. Aproveita biban, Sekretariu munisipal ne’e mos husu ba komunidade sira iha covalima atu kopera ho estadu hodi hala’o dezenvolvimentu.

“Mai sai sasin ba asina akordu ida husi rai na’in ne’ebé afetadu ho governu liu husi ministeriu finansas, tanba prosesu konkordansia ne’e hala tia ona iha tinan kotuk, ohin ne’e ita asina hamotuk deit akordu hodi bele loke espasu ba dezenvolvimentu, tanba ita hatene katak postu integradu salele iha area mota masin ne’e sai hanesan pontu entrada ida ne’ebé importante tebes ba ita nia nasaun. Ha’u hakarak hato’o mensajen ba komunidade iha Covalima tomak katak ita labele okupa dala publiku tanba ita hakarak dezenvovimentu” dehan Sekretariu Munisipal Asuntu Sosiais no Organizasaun Filomeno Cardoso.

Ministeriu Finansa sei halo indiminizasaun ba komunidade na’in hat nia plantasaun iha proriedade publiku do estadu hamotuk hetares ualu ho montante osan, dolar amerikanu rihun sanulu resin sia, atus tolu, hitu nulu resin sia ($19,379.00). ne’ebé kada parsela ho montante lahanesan.

Entretantu, na’in ba plantasaun, Clementino da Cruz hetan osan hamotuk $ 7,122.00, maibe Kompaña selu uluk ona $1,500.00, tan ne’e pagamentu tuir mai sei hetan deit $ 5,622.00, Armindo Ximenes hetan $ 4,165.00, Miguel Guterres simu pagamentu $ 8,352.00, Mateus dos Reis, simu $ 1,240.00.

Jornalista : Moichung

Editor : Chamot Nahac