Iha Vizita ne’e, Vise MF Felícia Claudinanda Cruz Carvalho atu hatene situasaun no kondisaun servisu ne’ebe funsionariu hasoru iha baze hodi nune’e bele haforsa liu tan kondisaun servisu ingradu no bele fasilita tan ekipamentu, kria fatin, no aumenta rekursu umanu atu servisu iha liña fronteira.
“ami komesa primeiru husi Salele, ami sei ba batugade ho ida ne’e ami sei kontinua ba oe-cusse, ne’e la’os hanesan atividade foun, mai hare no rona husi funsionariu sira ne’ebé mak servisu iha baze atu haforsa tan sira nia servisu ne’ebé mak integrado no atu hare ba oin oinsa ita bele servisu hamutuk liu husi fasilita ekipamentu, Fatin, no Rekursu humanos, iha ne’e la’os minister finansa deit iha ministeriu ne’ebé maka hola parte ba iha postu intrigado Unidade”esplika Vise Ministra Finansas(MF) Felícia Claudinanda Cruz Carvalho, ba jornalista sira iha Fronteira Postu Integradu Salele, Tersa (05/03).
Governante ne’e relata dadaun ne’e Ministeriu Finansa halo ona mudansa ba ekipamentu tan ne’e sei planu halo kapasitasaun ba funsionariu sira hodi bele utiliza ekipamentu ne’e ho di’ak liu tan.
“ita iha ekipamentu ita hare hanesan upgrade ekipamentu ne’ebé mak iha nia Funnsaun atu halo nia servisu agora ekipamentu ne’e balu foun entaun antes atu uza ita tenki hare ita nia funsionaru iha trenamentu para bele opere ekipamentus sira ne’e, no mos ita hanoin ona oinsa energia ne’ebé mak ekipamentus sira ne’e uza para ita mos bele antisipa ba nia kustu no mos no mos kustu ba manutensaun ba aban bain rua nian, ita seidauk uza tanba sira foin hola iha tinan kotuk ne ne’ebé klaru que tinan ida ne’e ita sei uza ida ne’e mak servisu ne’ebé mak ami hare hela para bele hanesan halo lalais ema sira ne’ebé mak ami atu halo trenu ba para uza ekipamentu ida ne’e” tenik nia.
Iha fatin hanesan Diretór Alfandega Covalima, Nuno Nuguera esplika konaba ligasaun servisu entre instituisaun ligadu iha liña fronteira salele ne’ebé maoria sei menus rekursu umanu.
“Iha inkontru ohin ne’e ko’alia konaba kordenasaun entre instituisaun ligado iha liña fronteira salele, barak mak kestiaona konaba parte DNTT ne’ebé funsionariu ne’ebé limitado no funsionariu ida ne’ebé kontratadu tinan 20 maibe foin dadauk hasai no menus rekursu humanu ho DNTT, Imigrasaun pesoal ne’ebé falta tanba ema na’in lima deit, parte UPF mos pesoal ne’ebé falta, informasaun hirak ne’e mak hato ba Vise Ministra hodi bele hatutan ba nasional husi funsionario Alfandega rasik ami seidauk informa ba Vise Ministra tanba seidauk iha pontu ba ami ko’alia maibe ami iha postu rua hanesan iha Fatululik no Fatumea ne’ebé falta pesoal” Diretór Alfandega Munisipiu Covalima, Nuno Noguera esplika.
Entretantu Vizita Vise Ministra Finansas Felícia Claudinanda Cruz Carvalho iha iha Covalima ne’e alende observa kondisaun servisu funsionariu sira iha fronteira postu ingradu salele, membru Governu ne’e halo observasaun ba kondisaun auto estrada ne’ebé dadaun parte balu at (kuak) no erosaun halo rai taka tomak estrada laran.
Jornalista : Moichung
Editor : Chamot Nahac
