Covalima- (RCCT)-10-02-21- Comunidade agricultor iha Suku Debos maioria Mak Sira nia aihan iha to’os laran hetan estragus husi udan no anin bo’ot tamba ne’e.
Xefe Suco Debos Agortinho da Silva orienta Xefe Aldeia atu foti dadus Komunidade Agrikultur nebe nia ninia to’os laran hetan asaltu husi peste Ular hodi estraga batar no anin boot ho udan la mai hodi fo afeita ba batar no aifarina no produtudu seluk mate iha to’os laran.
“Komunidade Agrikultor sira Nia batar iha to’os laran, barak mak hetan estragus grave maibe sedauk iha dadus husi Sefe Aldeia sira konaba problema ne’e, tanba ne’e ha’u haruka Xefe Aldeia sira atu foti dadus komunidade sira nia nebe nia batar iha to’os hetan stargus ne’e” Katak Xefe Suco Debos.
Tuir observasaun Xefe Suco Debos, Komunidade iha Aldeia Lakonak barak mak ninia aihan iha to’os laran hetan estragus husi Pesti.
“Iha Aldeia lakonak komunidade sira Nia batar estragus grave ona, Tanba ne’e ha’u husu ba Xefe Aldeia atu lalais fo foti dadus stragus ne’e atu bele hato’o direita iha sede suku, bele mos hato’o ba extensionista sira hodi bele halo intervensaun” tenik Xefe Agus iha nia K’anr fatin Tersa Feira (09-02-21)
Xefe Suco Debos Agostinho da Silva mos rekonhese komunidade Agrikultur nia batar iha to’os laran nebe iha ona funan no balun Hein fo fulin mak batar tahan namalaik no lulun an no Ida ne’e konserteza sei mate hotu.
“Ha’u hare kuaze batar barak mak estragus husi pesti “Ular” no anin maibe batar nebe mak fulin ona ne’e di’ak, tamba nia lametin ba mos desaraska Ita bele obriga han, maibe Ida nebe mak foin funan mak udan ben mos la mai to fulan Ida no anin tan ne’e konserteza batar Sira ne’e sei mate hotu” Agostinho hatutan.
Tamba ne Cefe suku Debos Agostinho da Silva husu ba komunidade sira atu hato’o informasaun ne’e ba Autoridade Sira ou di’ak liu hato’o ba iha extensionista sira atu nune ‘e extensionista sira bele tun hare imediata aihan sira iha to’os laran ne’e.
Jornalista : Jhana Cardoso
Editor : Chamot Nahac
