Tuir Diretór Nasional World Vision Internasional, Jared Berends hatete World Vison hala’o ninia misaun global iha nasaun hitu nulu inklui iha timor leste hahu iha tinan 1995, hodi fo asistensia ema vulneravel sira.
“Word Vision ninia intervensaun iha Nasaun Hitu Nulu iha mundu Global no ami ninia misaun ne’e atu halo tuir Jesus Ninia Misaun ne’ebé mak atu bele ajuda ema ki’ak sira no liliu ba ema Vulnerabel sira. World Vison, inisiu iha timor leste ne’e 1995 no dadaun ne’e sai iha munisipiu nen mak inklui Covalima, Baucau , Aileu, Ermera , no seluk tan, ita nia fokus ba organisaun katak foku liu ba atu ajuda ba labarik Vulneravel sira no ita mos la servisu mesak no servisu ho paseiru dezenvolvimentu sira seluk hanesan ONG sira, hanesan Governo sira, no mos Igreja sira, ita nia servisu hamutuk, objetivu prinsipal iha munisipiu Covalima no mos iha Munisipiu sira seluk ita hakarak modera labarik sira no haforsa labarik sira no empodera Joven sira” Diretór Nasional Word Vision Internasional, Dehan.
“Iha Covalima, ita hakarak haforsa liu ba iha inan isin rua sira no ba labarik sira ninia moris, no ita mos fo kapasitasaun ba Grupu Agrikultura sira, bele komprende liu tan oinsa mak setor Agrikultur ninia servisu para atu bele muda ai han sira hanesa batar, hanesan hare sira hanesan buat ida ita bolu dehan superbat ne’e kompostu husi ai han nutritivu barak mak iha laran hanesan fore mungo, fore keli, hanesan batar sira ne’e no ida ne’e bele ajuda labarik, inan isin rua sira bele hasa’e sira nia nutrisaun ” Diretór Nasional World Vision Internasional, Jared Berends hakotu.
Entretantu iha Selebrasaun Loron orasaun ba Ano Fiskal 2025 iha Covalima mos World Vison atribui sertifikadu ba staff sira ne’ebé servisu ho diransaun tinan sanulu to’o tinan ruan ulu iha World Vison. engkuantu partisipa iha atividade ne’e maka Administrador sira husi Postu Administrativu hitu no Diretór servisu Munisipal Covalima sira.
Jornaista : Alfredo Barreto
Editor : Chamot Nahac
