Covalima ( RCCT ) 06 04 -21 Diresaun Dezastre Municipio Covalima (DDMC) ho Cruz Vermelha Timor Leste filial Covalima hamutuk ho autoridade Local sira iha Municipio Covalima fo apoiu nesesidade bazika ba komunidade afetadu inundasaun iha Aldeia Halik Suco Beco, Posto Administrativo Suai.
Iha distribuisaun aihan no material ba komunidade sira ne’e Coordenador DDMC Dinis Pereira hateten DDMC servisu hamutuk ho autoridade lokal sira hodi fo ajudus Nessesidade Bazika ba komunidade sira
“Nesesidade Bazika hirak ne’e mak hanesan Fos, Mina, Ikan Sardine no material seluk tan nebe mak prepara husi ita nia Parseiru CVTL Covalima hodi fo apoiu ba Comunidade afetadu inundasaun iha Aldeia Halik Suco Beco, Posto Suai, ba Xefe dafamilia 42 no total populasaun hamutuk 237 iha Aldeia Halik nebe Afeita inundasaun iha tinan ne’e.” Katak Dinis Pereira
Iha fatin hanesan Xefe do Suco Beco Arlindo Bernadino Lemos hateten kada tinan komunidade sira iha Suco Beco nebe sempre afetadu ba inundasaun mak hanesan Aldeia Maucola, Bibi Atan, Ai dantuik, Holbolu no Aldeia Halik .
” iha tinan ida ne’e Xefe da familia 42 mak mak sai Vitima ba dezastre naatural iha aldeia halik hodi estragus sira nia aihan hanesan batar, no haré maibe la rezulta ema ruma mate tanba inundasaun ida ne’e,” Dehan Xefe Suco Beco ba Jornalista Sira iha Halik.
Xefe Suco ne’e mos Agradese ba ajudus nebe Protesaun Sivil ho CVTL fo ba komunodade afetadu sira iha Suco Beco liliu iha Aldea Halik,
“ho ida ne’e ha’u husu agradese barak ba CVTL no DDMC nebe fo apoiu no tulun ba ha’u Nia comilunidade sira.” Tenik Nia
Ekuantu tuir Cordenador DDMC hateten iha tinan ida ne’e udan bo’ot iha municipio Covalima hodi hamosu vitima ba inundasaun iha Suco Suai Loro, Suco Beco No Suco Raimea hodi estraga komunidade sira nia ai han no uma balu tanba ne’e ekipa DDMC ho nia parseiru sira komesa ona apoiu ba komunidade sira nebe sai vitima ba dezastre ida ne’e.
Iha Distribuisaun Apoio ba vitima sira iha Aldeia Halik, Suco Beco ne’e Partisipa husi Administrador Covalima, Franscisco de Andrade no Segundu Komandante PNTL Covalima, Komandante F-FDTL nebe destada iha Covalima, no Administrador Postu Administrativu Suai.
Jornalista : Saturnino Soares
Editor : Chamot Nahac
