Virus Anin Moris, hatete nia parte lakohi hasai besi rohan ne’e husi nia kabun laran tanba durante ne’e governu seidauk valoriza ninia luta ba ukun rasik an ne’e. Maske ne’e fo impaktu ladi’ak ba Virus Anin Moris nia saúde.

“Ha’u na’in maka lakohi atu hasai besi rohan ne’e husi ha’u nia isin lolon tanba to’o ohin loron estadu seidauk fo paun rohan ida ka fo roko lolon ida tan ne’e maka ha’u sei tahan hela iha ha’u nia isin lolon seidauk hasai, hahu kedas iha tinan 1976 mai to’o rejistensia ha’u sai hanesan responvel aldeia iha Suku Holpilat nudar Selekom, bainhira morteru nakfera kona ha’u, sei belit nafatin ne’e, iha tinan 1976 hafoin husi Fatubesi Lo’okeu haruka sa’e ba tiru malu kontra inimigu sira iha Igololo Tuna Maus maka inimigu sira hamonu morteru nakfera kona ha’u, mak to’o agora seidauk hasai, belit hela iha ha’u nia kabun, ba halo ona tratamentu iha fasilidade saude iha ne’eba doutor sira halo ronsen leno hotu dehan ha’u moras laran laiha maibe hetan deit morteru rohan ne’e maka agora karat ona ninia veneno la’o ba mai lemo ona iha ha’u nia isin lolon sai ladi’ak hodi afeta mai ha’u hetan moras halo isin tun maran loos ona ne’e,” dehan Veteranu Venançio Gusmão ho kodiku Virus Anin Moris, ba RCCT hafoin partisipa iha komemorasaun loron veteranu ne’ebe monu iha 03 de Marsu 2024 ne’ebe hala’o iha resintu Administrasaun Munisipiu Covalima Domingu (03/03).

Nune’e Venançio husu ba estadu RDTL atu konsidera nia hanesan ema veteranu ida hodi fo subsidiu ba nia ne’ebé merese ho nia luta, tan nia mos dedika nia an luta ba libertasaun timor leste.

“estadu tenke hare nafatin ha’u, tamba ha’u na’in hatene duni katak ha’u ema Falintil duni, karik ha’u la halo, ha’u la hare, ha’u tauk, ha’u moe tamba saida ha’u la halo la tuir ha’u la hare la hatene estadu aban bairua sei kaer ha’u ha’u nia maluk barak aban bairua husi ha’u nia kotuk la hatene hau, ne’ebe ha’u moe, ha’u tauk karik ha’u la halo, ha’u halo duni husi dasar to’o ohin loron, maluk barak sei iha, ha’u nia Komandante pletaun mate ona Komandante Seksaun mos mate ona maibe barak sei iha, ha’u nia Irmaun Juli Maek mak ne’e ami sira ne’e hamutuk nia hatene, ne’e ami tiru malu mak inimigu sira husi suai sa’e ba, ba asaltu tan ami mak ami tiru malu mak kona hau, ne’e ha’u nia maluk ida Naran Isak mate ona ne’e ha’u nia maun Maek ninian Rian, nia kanek ha’u mos kanek maibe nia kanek Segundu tuir fali ha’u ona, iha Maukatar ne’e ema sa’e asaltu pertama ne’e ha’u mak kanek duni ha’u mak hetan uluk ne’e iha 1976, seidauk hato’o ba nasional soke ha’u nia Komandante Kompana Komandante Pletaun sira hatene hotu ha’u nia familia Maluk, Kolega Falintil hatene hotu maibe ha’u nain seidauk ba iha leten, tamba ha’u lakohi hasai ha’u nia naran iha veteranus ne’e iha ona iha Nasional ne’eba iha ona maibe buat ida osan uitoan ba iha veteranus ne’e ha’u la hetan, tan deit ida ne’e mak ha’u sente ha’u nia fuan ne’e kanek ha’u triste ida ne’e mak ha’u hanoin hakarak hodi mate deit ona morteru rohan iha ne’e, maibe foin lalais irmão Lamesak foti ona ha’u nia surat atu los ka lalos ha’u hein” Virus Anin Moris Konta.

Entertantu Veteranu Venançio Gusmão ho kodiku Virus Anin Moris, oras ne’e daudaun sei kontinua leba nafatin morteru rohan ne’ebé sai ona furizen (karat) iha kabun laran, maske nune’e Virus Anin Moris nafatin mantein nia pozisaun lakohi opera hodi hasai besi rohan ne’e, tanba tuir nia katak bainhira estadu ka governu fo ona subsidiu ba nia mak soin disidi hasai morteru rohan iha nia isin.

Jornalista : Julio Salinas/Moichung

Editor       : Chamot Nahac