Covalima (RCCT) 05-06-2026-Instututu Nasional de Combate ao HIV-SIDA, (INCSIDA, I.P) sensibiliza informasaun sobre virus HIV SIDA ba estudante Ensinu Sekundaria Geral Publiku (ESGP) de Suai.
Liu husi sensibilizasaun ida ne’e oinsa atu hakle’an Estudante, Ensinu Sekundaria Geral Publiku (ESGP) de Suai kona-ba Virus HIV-SIDA no prevene aan ba kaben sedu tanba seidauk bele responsabiliza uma kain.
Imi sai inan lalais, imi sai aman lalais ne’e imi nia futuru la iha ona tanba imi namora la hatene idade ki’ikoan loos, future sei naruk maibe 15 anos sai ona inan no sai ona aman imi agora idade hanesan ne’e ne imi hakrak sex livre, feto barak no mane barak hanesan imi ne’e barak la ba eskola maibe tanba la’os osan la iha maibe sai aman no inan sedu tiha entaun atu eskola oinsa, tanba atu responsabiliza uma kain hare oan no ferik oan ka katuas oan ne’ebe kaben sedu ne’e la di’ak, imi balun atu sai jornalista, imi balun atu sai F-FDTL no imi balun atu sai PNTL, ne’e la’os toba mehi hader mai atu sai kedas lae, ninia prosesu atu sai ema di’ak iha future ne’e mak agora imi fo aan ba estuda didiak, aproveta oportunidade ne’e didiak atu nune’e imi bele susesu iha future ida di’ak.”prezidente (INCSIDA, I.P), Daniel Marçal, relata.
Diretora Nasional Promosaun Prevensaun no Komunikasaun (INCSIDA, I.P) Angelica Soares da Costa Oliveira relata ba estudante sira sobre Virus HIV-SIDA oinsa atu prevene aan husi ransu livre no halo sex livre tanba buat hirak ne’e mak provoka virus hodi bele afeta lalais ba ita nia saude.
Atu fo hanoin ba ita boot sira katak prevensaun efetivu ne’e katak la bele involve aan iha droga, tanba saida droga balun mos uja hanesan daun tato, karik mak ita boot sira uja droga oioin hanesan uja daun ida deit karik ita boot sira uja daun husi ema ne’ebe mak iha ona virus HIV posibilidade bele hada’et, tanba ne’e uja imi nia Mobile ka Telefone atu buka informasaun sobre saude nian, la bele Tiktok deit la bele Facebook de’it, tanba idade produtivu hanesan imi ne’e hakarak halo Relasaun Sexual ne’e makas tebes entaun saida mak ita boot sira tenke halo investe ita nia aan, investe ba informasaun sira ne’ebe mak loos liu liu ba saude”. Angelica Soares da Costa Oliveira, relata.
Instututu Nasional de Combate ao HIV-SIDA, (INCSIDA, I.P) hala’o aktividades sensibilizasaun kona-ba Virus HIV-SIDA iha Suai, liu husi Ensino Secundario Gereal Publico (ESGP) de Suai, atividade ne’e nia objetivu mak atu haklean kuñesimentu estudante sira kona-ba maneira transmisaun HIV-SIDA, Prevensaun, luta hasoru estigmasaun no deskriminasaun ba ema ne’ebe moris ho HIV-SIDA.
Jornalista Paul Mandeu
