Covalima (RCCT) 08-06-2026-Secretariu Estadu Igualdade (SEI) fo formasaun ba rekluzu sira iha prizaun Suai kona-ba kontrola emosaun hodi evita hahalok krime sira.
Diretor Nasional Politika Igualdade Jeneru husi Secretariu Estadu Igualdade (SEI) Abilio Barreto husu ba Rekluzu sira atu kontrola hirus ka emosaun hodi evita hahalok krime no la bele hamosu tan kazu wainhira hetan liberdade husi pena ne’ebe kumpri iha prizaun nune’e la bele akontese tan aktu pasadu sira ne’ebe lori sira ba prizaun.
Iha esperiensia barak kona-ba formasaun iha prizaun tolu (3) no iha ninia regras tanba ne’e mak ita obedese ba regra ne’ebe estabelese ona no ita mak tenke kontribui no ita tenke sai ezemplar, ita mai hanesan aparelu Estado ita tenke kontribui ba prosesu sira ne’ebe ita nia Estadu ka ita nia Governo esforsu para ita bele la’o tuir buat ne’ebe iha, hahu formasaun hotu hotu ba iha Ministeriu sira, ba iha autoridade munisipiu sira, ba iha komunidade sira no ha’u hakarak liu fo formasaun ba imi sira ne’ebe sasidik sala hodi tama iha prizaun, tanba ne’e liu husi formasaun ida ne’e imi kumpri ona pena sira ne’e, imi sei fila ba hamutuk ho imi nia familia, imi nia vizinu no komunidade sira ne’ebe imi hela besik ba, atu nune’e pelu menus imi bele halo jestaun ba imi nia aan no ba imi nia moris rasik.” Abilio Barreto Relata.
Diretor Estabelesimentu Prizional Suai Rui Gonsalves, konsidera formasaun ne’e hanesan materia importante ida ne’ebe dadur sira presija entende ho didiak nune’e la bele komete tan aktu hanesan iha futuru.
Formasaun ida ne’e mai husi SEI ita nia Dadur sira ne’ebe mak ita identifika hodi tuir formasaun ne’e husi Bloku A,B no C ita hili hamutuk ema na’in 35 mak agora dadauk tuir hela formasaun, espera katak formasaun sira ne’ebe mak ita estabelese bele muda duni sira nia hanoin no sira nia hahalok la’os iha fatin ida ne’e maibe ita husu maromak nia tulun bainhira sira hetan liberdade husi fatin ida ne’e sir abele implementa iha liu ida ne’e mak ita nia mehi ba iha formasaun sira, no formasaun sira ita sei presija nafatin husu mos karik iha la bele husi SEI deit tanba tinan tina sempre mai, maibe husu mos ba parte seluk karik iha oportunidade iha biban halo planu kari bele mai fo formasaun ba ita nia maluk sira iha laran ne’e atu nune’e ita nia mehi ida ne’ebe mak katak halo violensia ne’e para ba sira, ho formasaun sira ne’ebe mak sira iha atu nune’e bele hamenus ema mai iha fatin ida ne’e.” Rui Gonsalves Relata.
Atividades formasaun ne’ebe fasilita husi Secretariu Estadu Igualdade (SEI) ho tema kontrola hirus ka emosaun ne’e hala’o iha salaun prizaun Suai durante semana ida ne’ebe hahu iha segunda no termina iha sexta feira semana ne’e.
Jornalista Paul Mandeu
