COVALIMA–‐-Diretór Nasionál Operasaun Autoridade Aduoneira, Armindo dos Santos hateten, governu hasa’e taxa iha limitasaun presu sasan iha merkadu folin sa’e tanba importadór sira mak halo manipulasaun ba presu.
Nia dehan tuir lei Orsamentu Jerál Estadu (OJE) tinan 2023, governu hasa’e taxa ba sasan ne’ebé mak kontajen hanesan masin midar, bebidas cocacola, esprite tanba ema barak moras.
“Aplika taxa foin lalais ne’e ita limitasaun la’os ba buat hotu, presu sasan sa’e tanba ita nia importadór halimar buat sira ne’e” informa Diretór Nasionál Operasaun Autoridade Aduoneira, Armindo dos Santos ba jornalista sira, iha fronteira Mota Masin Salele, kuarta (01/02).
Nia dehan tanba liu husi doutór sira diaknostika ema konsumu masin midar, bebidas cocacola, sprite fó impaktu moras ba sidadaun sira, tan ne’e governu deside hasa’e taxa”
“Atu evita sidadaun sira hemu demais buat midar, iha parte balun ita hasa’e taxa ne’e mós importante duni, ita aumenta taxa 2,5% hamutuk 5% sa’e uitoan, ita nia importadór mak halo manipula sasan hodi folin sa’e maka’as” nia dehan.
Nia afirma governu halo ona kontrolu liu husi ekipa ida ba sira nia armazen no sei haree mós loja sira faan sasan ho presu sai husi ida ne’e tenke hetan sansaun.
Nia sublina governu hasa’e taxa la’os ba item hotu, tanba hasa’e taxa item haat de’it mak hanesan , molok ne’e aplika taxa 5% Sales taxa 2,5 import duty 2,5 hamutuk 5%, maibé haree ba dezemvolvimentu mudansa governu deside aumenta import duty ne’e ba 5% Sales tax 2,5 hamutuk 7,5% aumenta excise tax.
Kona-ba kareta sira nia folin sa’e tanba kareta la’os ema bai-bain sira mak sosa lor-loron para atu han ema iha osan mak bele sosa. Taxa ba nesesidade bazika ne’e 2,5% ,maibé tanba istipulasaun merkadu mak halo manipulasaun presu halo komunidade sira hakfodak.
Antes ne’e , iha loron 7 fulan novembru 2022 , Ministru Finansas, Rui Augusto Gomes governu hasa’e impostu ba tabaku $ 100 kada kilograma inklui produtu seletivu seluk.(Azu)
