Covalima (RCCT) 01-06-2026- Institutu Nasional de Combate ao HIV-SIDA, I.P halo dezaminasaun iha Suku Beko, Postu Suai, Munisipiu Covalima hodi transmiti informasaun sobre HIV-SIDA oinsa atu kombate no prevene virus ida ne’e, tanba Munisipiu Covalima besik liu Fronteira Indonesia.
Administrador Postu Administrativu Suai Idelfonso Maria Amaral iha nia intrevista relata katak transmisaun moras HIV-SIDA ha’u deskonfia mai barak liu husi ita nia nasaun vizinu indonesia.
Hanesan Autoridade nafatin akompana Instituisaun Governo ka organizasaun ne’ebe mak servisu kona-ba prevensaun HIV-SIDA ami nafatin kolabora no koordena tanba ami nia papel mak oinsa atu dezamina informasaun ba sosiedade sira liu liu iha Suai Villa ida ne’e no mos presija distribui material balun ne’ebe hodi bele prevene moras HIV-SIDA atu hodi kontrola no monitorizasaun iha ami nia area Munisipiu ida ne’e, tanba ita hotu hatene katak ami nia Munisipiu Covalima Fronteria kedas ho ita nia nasaun vizinu Indonesia.” APA Suai, Idelfonso Maria Amaral relata.
Administrador Postu Administrativu Suai relata mos katak ita nia estranjeiru Indonesia sira balun mai ho visa turista maibe halo fali aktividades sira seluk la tuir visa estranjeiru nian.
Ita hatene mos katak moras ida ne’e sa’e makas iha Indonesia tanba ne’e oinsa ami servisu hamutuk ho parte Seguransa bele atu kontrola ho maximu atu nune’e ita bele hadok aan husi ema estranjeiru hanesan Indonesia sira mai ho Visa Turista mais dala ruma bele akontese mos hala’o aktividades seluk, tuir issu ka informasaun ne’ebe ami rona no ami nafatin servisu hamutuk ho autoridade seguransa nafatin kontrola area fronteira tanba sidadaun sira husi nasaun vizinu sira mai ho statutu la klaru tanba sira mai hanesan visa turista depois mai halo fali aktividades seluk, tanba area fronteira ida ne’e movimentasaun ba mai loro loron tanba ita mos ho sira iha relasaun kultural dalaruma mai halo serimonial kultura nian maibe ita mos menus kontrolu tanba aktividades movimentasaun Indonesia ho Timo-Leste iha Fronteira Covalima ida ne’e loro loron.” Tenik APA Suai, Idelfonso Maria Amaral.
Administrador Postu Administrativu Suai mos dehan ohin ita halo sosializasaun iha Suku Beko, Postu Suai ba moras HIV-SIDA no ami esforsu nafatin hodi tinan tinan halo bebeik sosializasaun ba areas fronteira sira liu liu ba Munisipiu Covalima ida ne’e.
Reportazen Paul Mandeu
