Covalima (RCCT) 26-03-25-Prezidente Republika (PR) Jose Manuel Ramos Horta, distribui nesesidade bazika ba familia k’bit naton no nesesidade espesial sira ba familia hamutuk 500 ne’ebé husi husi familia 850, familia vuneravel sira mai husi Postu Administrativu-7, hanesan Postu Administrativu Fatululik hamutuk ema na’in-50, Fohorem-100, Fatumea-100, Maukatar-100, Suai-150, Tilomar-150 no Postu Administrativu Zumalai iha suku-8 mai ho lista benefisariu-200.
Notisia Relevante : https://www.rcct.tl/filomenu-durante-vizita-iha-covalima-pr-horta-sei-halao-asaun-karidade-ba-familia-vuneravel-850/
Nesesidade baziku sira ne’ebé Xefe Estadu fo Apoiu hanesan, Fos, Mina, Manu tolu, no mos ropa, apoiu husi Embaxadór Japaun no Corea iha Timor Leste.
Prezidente Republika Jose Manuel Ramos Horta, hatete atividade prinsipal vizita Covalima atu fo ajuda netin ai han ruma ba familia kni’it laek no ema moris ho difisiente sira.
“Atividade prinsipal liu maka hare situasaun bo fo tulun ba k’bit laek sira no difisiente sira ne’ebé mai husi suku no postu sira iha Covalima” informa Prezidente Republika Jose Manuel Ramos Horta, ba jornalista sira hafoin remata distribui nesesidade baziku ba familia vuneravel sira, ne’ebé hala’o iha resintu Administrasaun Munisipiu Covalima Kuarta (26/03),
Administrador Postu Administrativu (APA) Suai, Ildefonso Maria Amaral, dehan benefisariu hetan apoiu nesesidade baziku husi Prezidente Republika iha Postu Suai mai husi suku 5, hanesan Suku Debos, Beko, Kamenasa, Labarai no Suai Loro hamutuk benefisariu-150.
“Postu Suai rasik ho total familia vuneravel 150 mai husi suku 5, iha ne’e parte difisiente ho familia vuneravel, maibe xefe suku sira rekolla kada suku, ne’ebé iha ha’u nian Postu Suai suku 5, kada suku rekolla familia vuneravel-30 ne’e maka hamutuk-150, hanesan administrador postu nafatin servisu hamutuk ho xefe suku no xefe aldeia sira para atu identeifika familia vuneravel atu nune’e bele hare fali ministeriu relevante sira hodi bele kontinua fo tulun ba familia k’bit la’ek sira iha Suai liliu ba sira ne’ebé seidauk hetan” dehan APA Suai, Ildefonso Maria Amaral.
Benefisiariu husi Suku Labarai, Armindo de Araujo Amaral, sente kontente ho apoiu nesesidade ne’ebé Prezidente Republika distribui direita ba familia vuneravel no ema ho difisiente sira.
“Agora ho Prezidente Republika fahe ai han mai ami sente kontente, tanba ami difisiente halo buat ruma la di’ak’ maka na’i prezidente hadomi ami fo netik ai han, ami kontente, no mos ba maluk sira ne’ebé seidauk hetan husu nai prezidente tenke ajuda mos ba sira” nia dehan.
Nesesidade baziku sira ne’ebé Xefe Estadu fo Apoiu Fós, Mina, Manu tolu, no mos ropa ne’ebé apoiu husi Embaxadór Japaun no Corea.
Vizita Xefe Estadu iha Covalima, ho atividade apoiu nesesidade baziku ba familia k’bit naton no nesesidade espesial, akompañ Assessor Prinsipál Asuntu Polítiku Prezidente Repúblika no mos membru governu sira mak hanesan Ministru Agrikultura, Vise Ministru Komersiu no Industria, Vise Ministru Infraestrutura, Sekretaria Estadu Dezenvolvimentu Lokal, Sekretaria Estadu Arte no Kultura.
Tuir agenta ne’ebé RCCT Asesu, Apoiu atividade apoiu nesesidade baziku ba familia k’bit naton no nesesidade espesial sei kontunua hala’o iha Postu Administrativu Tilomar iha loron 27 no iha Postu Administrativu Zumalai iha loro 29 fulan marsu 2025.
Jornalista : Julio Salinas
Editor : Chamot Nahac
