Covalima (RCCT) 18-03-25-Durante vizita Prezidente Republika (PR), José Manuel Ramos Horta iha Covalima hahu loron 26-29 fulan marsu 2025, sei hala’o mos asaun karidade ba familia vuneravel hamotuk 850 husi Postu Administrativu hitu.
Prezidente Komisaun Organizador, Filomeno Cardoso, informa Prezidente Republika hala’o asaun karidade ba familia vuneravel husi postu administrativu Fatululik hamutuk ema na’in-50, Fohorem-100, Fatumea-100, Maukatar-100, Suai-150, Tilomar-150 no Postu Administrativu Zumalai hamotuk ema na’in-200.
“Prontu ne’e Sua-exelencia rasik hakarak mai vizita ho objetivu ida atu mai halo asaun karitativa ne’ebé ita mos prepara lista ba familia vuneravel sira hamutuk 850, familia vuneravel sira mai husi Postu Administrativu-7, hanesan Postu Administrativu Fatululik hamutuk ema na’in-50, Fohorem-100, Fatumea-100, Maukatar-100, Suai-150, Tilomar-150 no Postu Administrativu Zumalai iha suku-8 mai ho lista ema na’in-200” informa Prezidente Komisaun Organizador, Filomeno Cardoso, ba jornalista sira hafoin remata enkontru komisaun nian ba dala ikus nian ne’ebé hala’o iha salaun ba Dame CNE Munisipiu Covalima Tersa (18/03).
Durante estadia iha Covalima, Prezidente Republika sei halo vizita ba Aldeia Ai-Oan, Suku Lalawa, Postu Administrativu Tilomar, no sei halo dialogu ho estudante sira iha Eskola Sekundaria Jeral Publiku (ESGP-Sigla Portuguesa) Suai.
“Sua-exelensia rasik hakarak ba vizita iha Postu Administrativu Tilomar, Suku Lalawa, Aldeia Ai-Oan, iha ne’eba iha konstrusaun kapela ida, prezidente republika rasik mos hakarak halo dialogu ho estudante Eskola Sekundaria Jeral Publiku (ESGP) Suai no prezidente reasik hakarak ba asisti iha eventu halai kuda no futu manu iha Suku Suai-Loro , Postu Administrativu Suai” dehan Prezidente Komisaun Filomeno Cardoso.
Engkuantu tuir ajenda Prezidente Republika Demokratika Timor Leste, sei halo husi Dili mai Munisipiu Ainaro iha loron 25 fulan marsu, hafoin iha loron 26 dader sei halo vizita ba fatin turizmu Kilelo, hafoin kontinua halo viazen hamotuk ho komitiva mai Munisipiu Covalima,
Jornalista : Julio Salinas
Editor : Chamot Nahac
