Covalima ( RCCT ) 05-02-21-Mane ida idade 29 nebe pozitivu Covid-19 iha Quarantena Suai transfere ona ba fatin izolamentu Nasional Sexta Feira ohin (05-02-21 ), tuir diretur Servisu Saude Municipio Covalima. Filipe Pereira Lemos haktuir tekniku laboratoriu halo ona amostra swab hodi foti sampel ba pasiente ida nebe mak halo ona loron sanulu resin tolu iha Kuarentena Bairo Costa Suai nebe rezultadu amostra ne’e konfirmadu positivu covid-19 depois halo kompoarasaun ho entre rezultadu husi laboratoriu nasional no laboratoriu covalima.
“Tekniko labotoriu sira foti sampel ba pasagerio ida nebe tama karantina loron sanulu resin tolu ho naran inisial ( NA ) tinan rua nulu resin sia, ninia rezultadu hatudu pozitivu Covid-19 ne’e, tama mai husi nasaun Indonesia Atambua iha loron 22 fulan Janeiro 2021, nia tama mai husi dalan ilegal froteira mota masin Salele ” dehan Director Servisu Saude Muncsipio Covalima Filepe Pereira lemos ba Jornalista iha nia knar fatin Sexta feira (05-2-21).
Diretor Filipe haktuir iha Municipio Covalima la iha fatin izolamentu ba pasiente pozitivu Covid-19, Tanba ne’e Servisu Saude Municipio Covalima liu husi Centro Integradu Gestaun Crizi tenki transfere pasiente ne’e fatin izolamentu iha Dili.
Jornalista : Saturnino Soares
Editor : Chamot Nahac
