Covalima (RCCT) 22-08-2026-Autoridade Munisipiu Covalima kolleta hare demostra (Demo Plot) ne’ebé utiliza sistema intensifikasaun hare hanaran SRI hanesan inovasaun alternativa hodi mellora produsaun hare iha Munisipiu Covalima, sisteama nee adaptavel tuir klima no rekursu bee tamba SRI ladun presija bee barak no bele produs hare ho udan been ne’ebé diak, nune’e Autoridade eskolla sukabi laran hodi demostra sistema refere, tanba sukabi laran hanesan area ne’ebé komunidade uja ba natar wainhira iha tempu udan.
Prezidenti Autoridade Munisípiu Covalima Miguel Armada Cardoso deklara, Sistema SRI sai ona obrigatoria iha Munisipiu Covalima, la’os deit aumenta produsaun iha natar, maibe mos sei apresenta resultadu ba nivel nasional hodi hetan apoiu husi Governu Sentral hodi implementa iha Munisipiu Covalima nune’e bele hasa’e produsaun hare komunidade natar nain nian.
SRI ne’ebé mak ita foti liu husi PPJ-19 ne’ebé hatur ona kona-ba agrikultur nian tanba tanba ne’e mak ba politika ida ne’e Munisipiu Covalima foti sai nudar preoridade ida iha atividade agrikultur nian. Sistema ne’e obrigatoria ba iha Munisipiu Covalima atu foti no mos atu apresenta iha nasional hodi bele hetan tulun husi Ministeiru Finansas, Ministeiru Agrikultra no mos Ministru Administrasaun Estatal, tanba sa mak Ministru 3 ne’e ita liga ba, primeiru nain ba rai, nain ba komunidade ne’e Ministru Administrasaun Estatal, koalia kona-ba to’os, koalia kona-ba natar no selu-seluk tan ne’e Ministru Agrikultura, koalia kona-ba osan ne’e automatikamente mai husi finansas no ikus Primeiru Ministru nia desizaun tanba nia nudar Presidente CRP, automatikamente resultadu sira ne’e ita hatudu no ita nia esforsu sira ne’e ita hato’o ba iha ne’eba mak lao ho di’ak ha’u fiar katak ita nia orsamentu ida ne’e pasa. Miguel Armada Cardoso, Deklara.
Diretúr Agrikultura Munisípiu Covalima Lino Magno hatete, tinan 2027 Covalima tenki utilija Sistema Intensifikasaun Hare hodi garante produsaun hare ba komunidade natar nain sira nian.
Sistema sira seluk ne’e ita husik lai, ida ne’e mak lao ba oin hodi prepara ba 2027 nian para produsaun iha Covalima ne’e bele hasa’e no ami hakarak mak ne’e Covalima ne’e ami lakoi importa husi Munisipiu seluk no ami mos hakarak hapara importasaun husi rai seluk. Lino Magno, Akresenta.
Kordenador Extensionista Postu Suai Jaime Dos Santos Pereira esplika, hare demostra uja sistema intensifikasaun hare ne’ebé autoridade kolleta ne’e diferenti ho produsaun hare ne’ebé komunidade sira kuda, tanba bazeia ba teste ne’ebé sira halo tuir rezultadu, hare ne’ebé dadaun kolleta hetan tonelada 6 pur 1 ektares, maibe normalmente hare ne’ebé komunidade sira kuda hetan deit tonelada 2 to’o 3 pur ektares, tanba ne’e ba futuru presija aplika sistema SRI ba komunidade natar nain hotu iha Covalima.
Resultadu ne’ebé mak ami halo istimasasaun ho tekniku sira horseik ektares ida ne’e hetan 6 pontu 1 teneladas pur hektares hanesan komparasaun babain ami halo istemasaun ba komunidade sira nian ne’e atinji deit tonelada 2 to’o 3 pur ektares maibe difiresia boot la halimar ho ami halo ne’e mos hau hatete katak sei dauk maximu, ba oin ne’e aplika tok ida ne’e kompetensia hotu-hotu ida Administrador Postu ba iha Xefe Sucu, Xefe Aldea hamutuk ho ami tun ba iha natar laran ne’e ami tekniku prontu atu suporta kualker oras deit, oinsa mak ita suporta deit natar nain sira hanesan tenknikamente ita tenke ser fo kapasitasaun ba sira. Jaime dos Santos Pereira, akresenta.
Enkuantu hare demostra ne’ebé autoridade kolleta uja sistema intensifikasaun hare nee, ho luan area ektares ida, maibe hafoin kolleta parte tékniku husi agrikultura covalima halo kedas teste hodi hatene kuantidade hare no rezultadu hatudu husi natar ektares ida nee hetan duni kuantidade tonelada 6 pintu 1.
Jornalista Julião Correia
Editor Paul Mandeu
