Covalima (RCCT) 17-08-2026-Escola Basico Filial (EBF-Sigla Português) 1,2 We Matan hasoru problema Menus Professor, ne’ebé hamosu dezafiu ba prosesu ensinu no apendizajen Estudante nian, situasaun ne’e mos bele halo professor ne’ebé mak iha tenke kaer responsabilidade aula barak liu.

Cordenador Escola Basico Filial (EBF-Sigla Português) 1,2 We Matan Danilo Amaral informa katak, númeru professor seidauk sufisiente atu atende nesesidade estudante hotu, nia espera katak Munisteiru Esdukasaun bele buka solusaun, inklui aumenta rekrutamentu no distribuisaun professor ba eskola refere.

Ami Presija mos manorin atu aumenta tan iha ne’e tanba ami sei ba professor no ami presija professor da turma tanba ita hatene katak ho planu Governu ida agora idade atinji ona 65 ne’e tenke reforma no iha eskola ida ita hare ba professor balu mos atu hakat ba idade 65 ona no la kleur tan sira mos reforma ona tanba ne’e ami presija tan professor atu mai tulun tan ami iha ne’e. Ami nia rekomendasaun hato’o hela ba Ministeiru Edukasaun mekanismu oinsa atu halo rekrutamentu ba professor atu ne’e professor bele aumenta tan iha eskola ida ne’e. Danilo Amaral, informa.

Hatan ba perkupasaun hirak ne’e, Diretora Servisu Edukasaun Munisipiu Covalima Alda de Fátima relata, problema Menus Professor ne’ebé hamosu dezafiu ba prosesu ensinu no apendizajen Estudante nian ne’e, kauza husi professor refomadu barak liu kada tinan. Nia hatete rekomenda ona ba Ministeiru Edukasaun hodi halo rekrutamentu ba professor hodi kompleta fali professor sira ne’ebé refomadu iha Munisipiu Covalima.

Los duni Menus duni profesor husi kedas eskola filial ba to’o sekundaria Jeral, professor BK ne’ebé koloka mai tia ona maibe sei dauk sufisiente ho rasaun tanba professor refomadu barak liu, iha tinan rua nia laran ne’e reforma bebeik no tinan ne’e mos reforma tan ho ida ne’e mak halo menus professor. Mais ami nafatin buka meus professor sira husi eskola Central ba kompleta fali iha eskola filial i iha eskola filial profesor disiplina sira mai kompletu fali mos iha eskola central hodi responde ba nesesidade prosesu aprenjasen ba tinan ida ne’e nian nia laran. Ami hato’o ona pedidu ba Nasional maibe professor BK mak la iha ona no bolsa la iha ona  maibe ami nafatin hato’o pedidu ba nasional, profesor sira ne’ebé mak falta iha Munisipiu Covalima  ami nia dadus kompletu no dadus professor ne’ebé sei dauk to’o hahu husi Eskola EBF, EBC no Secundaria sei Falta professor nain Atus ida resin dala ida tan ami nafatin rekomenda ba Ministeiru Edukasaun tinan oin mai ne’e bele iha fali bolsa no halo rekrumentu ba professor hodi kompleta fali professor sira ne’ebe mak moras no reformadu. Alda de Fatim, Relata.

Entretantu Escola Basico Filial (EBF- Sigla Português) 1,2 We Matan Estudante hamutuk atus lima (500), kompostu husi Feto na’in  Atus Rua, Rua-nulu Resin Lima (225), Mane hamutuk na’in Atus Rua Hitu-nulu Resin Lima (275), Professor hamutuk sanulu-resin hat (14), komposrtu husi Professora na’in sia (9), Professor hamutuk na’in lima (5) no Professor reformadu hamutuk nain neen (6).

Jornalista Julião Correia

Editor Paul Mandeu