Covalima (RCCT) 19-08-2026-Estajiu Servisu Komunitariu (ESK) husi Institutu Profesional de Canosa (IPDC) Departamento Técnica de Computação e Informática fasilita formasaun komputador baziku no Artifisial Inteligensia (AI) ba Estudante Escola Secundaria Geral Pública (ESGP-Sigla Portuguêsa) de Suai ho nia tarjeitu aprende atu Estudante sira iha koñesimentu baziku kona-ba komputador, oinsa utiliza Microsoft Office no oinsa utiliza Artifisial Inteligensia (AI) ho di’ak.
Formadora Ermenita Roz Amaral hatete, formasaun hirak ne’e ho nia objetivu oinsa atu mellora Estudante sira nia koñesementu kona-ba dizitalizasaun liu liu ba komputador baziku no utilizasaun Artivisial Inteligensia hodi ajuda Estudante sira prosesu ensino no aprendizajen iha futuru oin mai.
Objetivu husi ami nia formasaun ne’e rasik primeiru atu mellora tan Estudante sira nia koñesementu liu ba iha materia hirak ne’ebé durante ne’e ami aprende iha ami nia institotu, segundu atu bele fo mos koñesementu ba alin Estudante sira liu liu ba alin Secundariu sira atu nune’e s sira mos hatene no koñese kona-ba dizitalizasaun halai liu ba komputador baziku, utilizasaun Artivisial Inteligensia no mos bele ajuda sira oinsa sira bele utiliza ho di’ak nune’e aban bain rua sira ba kontinua sira nia estudu sira bele hatene ona nia mata dalan. Ermenita Roz Amaral, Informa.
Nia hatutan, formasaun komputador baziku ba Estudante Escola Secundaria Geral Pública (ESGP-Sigla Portuguêsa) de Suai ne’e durante loron Lima (5), formasaun Artivisial Inteligensia loron ida (1) no sei ofrese sertifikadu dizital ba estudante sira.
Bazeia ami nia formasaun ita hare ba mos ba iha ami nia durasaun estajiu nian entaun kona-ba formasaun AI sira loron ida, ba ami formasaun husi komputador baziku nian durasaun loron Lima (5) primeiro halo introdusaun, sigundu, terseiru no kuartu ne’e fase de pratika, kintu ezame ka koko sira nia koñesementu kona-ba formasaun ne’ebé durante ne’e ami fo. Depois de termina ezame ka koko sira nia koñesementu, Estudante sira mos sei hetan sirtifikadu ruma hanesan sertifikadu dizital ne’ebé mak ami husi formador sira sei ofrese ba sira. Ermenita Roz Amaral, akresenta.
Iha tempu ne’ebé hanesan representante Estudante Quintino Ximenes satisfas ho formasaun ne’e tanba bele meillora tan sira nia koñesementu kona ba Komputador Baziku no Artifisial Inteligensia (AI).
Ha’u sente la kontenti liu la tristi liu maibe pas, tanba sira mai fahe ona informasaun kona ba CPU, Software, Hardware no Artifisial Inteligensia (AI). Ami rekomenda atu sira mai nafatin kontinua. Quintino Ximenes, relata.
Formasaun komputador baziku no Artifisial Inteligensia (AI) ba Estudante Escola Secundaria Geral Pública (ESGP-Sigla Portuguêsa) de Suai ne’e, husi klase Dezimo Segundu Ano (12o ano) Departamentu Ciênsia Tecnoligia (CT).
Jornalista Julião Correia
Editor Paul Mandeu
