Covalima (RCCT) 11-4-25 PAM Covalima halo dialogu ho Funsionariu kargu Xefia Sesante sira hodi buka solusaun konaba eru ka faillansu liga ho notifikasaun husi Komisaun Anti Korupsaun (KAK) ko’a 25% husi funsionariu eis kargu xefia sira nia salariu baziku.
Miguel Armada Cardoso (Razão) relata katak reuniaun ne’e mos iha relasaun ho konfrensia imprensa ne’ebé funsionariu eis kargu xefia sira hala’o iha resintu administrasaun munisipiu Covalima iha lorin 1 fulan Abril foin dadaun.
“Erru ka faillansu balun ne’ebé mak foin dadaun halo husi funsionariu publiku sira, liliu iha resintu administrasaun rasik no funsionariu publiku sira iha oras servisu, nudar aman labele husik buat ne’e liu no bolu sira mai halo dialogu ho sira hodi klarifika lolos katak problema ne’e nia fukun ne’e iha ne’ebé tanba ida ne’e mak husi kargu xefia sira sesante sira mos esplika sira nia eru no faillansu balu sira nia mal jestaun balu sira hato’o mai” PAM Covalima informa.
Miguel Armada Cardoso (Razão) fundamente molok ne’e fo ona orientasaun ba Diretór Rekursu Umanu atu patilla informasaun ba dirijente sira hodi fo hanoin ba funsionariu publika liu liu eis kargu xefia.
“Nudar presidente autoridade mos rekuñese sala balu ne’ebé mak ha’u diriji duni informasaun ne’e partila ba iha diretór rekursu umanu no diretór rekursu umanu mos partilla sai ba dirijente sira hodi fo hanoin ba funsionario publika sira maibe ida ka rua liliu ba diretór sira balu no diretór servisu teritorial sira balu la foka informasaun ba iha kargu xefia sesante sira, tanba ne’e mak sai problema itoan, maibe ohin loron liu husi sorumutu ida ne’e eis kargu xefia sira liliu ema atus ida tolu nulu resin sia sira mai partisipa hodi klarifika katak ita ita hotu nia erru, ita Covalima nia erru tanba ida ne’e maka ita ko’alia no konsege ita hetan ona nia solusaun katak problema hirak ne’e ita tau iha ne’e ita atu hadia ba iha Covalima” tenik nia.
Entretantu Dialogu ne’e Presidente Autortidade halo ho Funsionariu Eis Kargu Xefia no Administrador Munisipiu no Sekretariu Munisipal hamotuk ema na’in 139 ne’ebé hetan notifikasuan husi KAK, ko’a osan pursetu rua nulu resin lima husi salari baziku.
Notisia Relevante : https://www.rcct.tl/armada-rejeita-administrador-no-sekretaria-munisipiu-sesante-hamotuk-ho-nia-diretor-sesante-sira-konsidera-pam-covalima-halo-mal-jestaun/
Jornalista : Alfredo Barreto
Editor : Chamot Nahac
