Covalima (RCCT) 01-04-25-Funsionariu, (Eis Kargu Xefia) Hamotuk 139, Lideradu Husi Administrador Munisipiu no Sekretariu Munisipiu Covalima sesante, halo konstestasaun ka reklamasaun konaba Komisaun Anti Korupsaun (KAK) aplika Koima Ko’a 25% husi Salariu baziku, bazeia Lei Nu7/2020, fulan agustu.
Funsionariu Eis Kargu Xefia na’in 139 hato’o lamentasaun ne’e tanba konsidera atual Prezidente Autoridade Munisipal no Diretór Rekursu Umanu la difulga karta notifiasaun ne’ebé fo sain husi KAK ba Funsionariu sira ne’ebé aroladu ona iha sistema DRBI atu deklara sira nia rikus soin.
“Maibe Informasaun hirak ne’e Prezidenti Autoridade no Diretór Rekursu Umanu la pasa ba Funsionariu hotu ne’ebé naran rejistradu iha Sistema DRBI, Tanba ne’e ami hato’o ami lamentasaun, no des kontenti katak ida ne’e halo persegisaun ba ami funsionariu hotu, tanba taka informasaun” Sekratariu Munisipiu Covalima Sesante, Francisco de Jesus Alves, dehan.
Ho ida ne’e, Reprezenta Funsionariu Eis Kargu Xefia hamotuk na’in 139, Francisco, husu ba instituisaun relevante atu loke investigasaun ba Prezididente Autoridade Munisipal no Diretór Rekursu Umanu hodi bele hatene motivu klaru husi Persegisaun ne’e.
“Ami husu ba KAK no funsaun Publiku atu mai halo investigasaun ba Prezidente Autoridade Munisipiu no Diretór Rekursu Umanu, atu nune’e bele hatene lolos, razaun saida maka, sira taka informasaun ba ami funsionariu sira atu ami labele halo deklarasaun hodi hatama ami nia dadus ba sistema DRBI nian. Ida ne’e, ami senti nolamenta tebes” Tenik nia.
“Ami ema na’in 139 ne’ebé hanesan funsionariu publiku ho salariu minimu, ko’a tan 25%, ne’e ami senti hanesan halo persegisaun ida ne’ebé la’os hanesan ema.” Francisco Alves Fundamenta.
“Sim Ami hatene Lei, fo duni katak, atu deklara ita nia riku soin, ita nia rendimentu, bens no intreses, maibe informasaun taka ba ami, la fo informasaun ba funsionariu sira hotu. Ida halo mal administrasaun, Mal Jestaun no mos halo persegisaun ba ami funsionariu Administrasaun Munisipiu Covalima ninian. Sekretariu Munisipiu Covalima Sesante, Francisco de Jesus Alves, dehan.
“Iha Lei hatete duni katak, depois de assume kargu hotu ona, ita sei presta deklara dala tolu (tinan tolu), soke ami lamenta tebes ne’e tanba informasaun husi KAK mai, maibe sira taka informsaun mai ami, tanba ne’e ami la rejistu, la update ami nia dadus ba sistema DRBI nian, ami konsiente katak tenki hato’o relatoriu, maibe informasaun ne’ebé mak husi KAK rasik fo. Sira Interpreta dehan ba Kargu foun mak bele deklara sira nia rendimentu, Beins no intreses, maibe ba funsionariu sira ne’ebé assume kargu hotu ona (sesante) sira laiha, maibe lei hatete, informasaun husi KAK ninia mos hatete klaru, husu deklarante hotu ne’ebé aroladu no rejista ona iha sistema DRBI. Ne’e signifika ami sira ne’ebé mak la’os ona assume kargu, iha direitu para atu hetan informasaun ida ne’e. Iha lei numeru 8/2004 no nia primeiru alterasaun Numeru 5/2009, estatutu funsaun publiku nian mos hatete, ami funsionariu hotu hotu iha direitu atu asesu ba informasaun hotu ne’ebé mak liga ho ami nia servisu no ami nia an rasik” Francisco Kontinua hato’o lamentasaun.
Hatan ba lametansaun ne’e.
Maske nune’e Prezindete Autoridade Munisipiu (PAM) Covalima, Miguel Armada Cardoso (Razão), apresia ba servisu tomak ne’ebé Komisaun Anti Korupsaun (KAK) hala’o iha Covalima, maibe Autoridade ne’e mos konsidera katak funsionariu Eis Kargu Xefia sira iha Covalima mak ladun intende ho sira nia servisu liu liu konaba atu fo deklarasaun ba KAK liga ho deklara rendimentu, beins no intreses ne’ebe regula ona ho lei numeru 7/2020.
“Lei numeru 7/2020. Hatur ona katak, ema hotu hotu iha obrigatoriamente atu deklara sira an, deklara sira nia riku soin. Ida ne’e Obrigatoriamente, Ho ida ne’e mak KAK halo ona nia servisu, mai ona halo desiminasaun iha 2022 mai ami iha salaun administrasaun, iha tempu neba iha 2022, tan sei uja Sistema manual, Automatikamente Administrador Munisipiu, Sekretariu munisipiu no Diretór Rekursu Uma maka tenki partilla informasaun ne’e Diretór sira.” Miguel Armada Cardoso (Razão), Covalima esplika.
“Entaun Problema ne’e hahu husi ne’eba, iha 2022, ema na’in 139 mak hetan ne’e notifikasaun ne’e, kada tinan la deklara sira nia riku soin, no sira rasik la update informasaun. To’o ikus sai problema hanesan ne’e. Lei KAK nia mos hatete, kada tinan laiha informativu ida atu hodi hato’o kada tinan ba funsionariu sira, ida ne’e sira esplika klaru ona ita tempu ne’eba, katak funsionariu sira, liu liu ba kargu xefia sira atu deklara an, maibe funsionariu sira liu liu kargu xefia sira la deklara an. Artinya iha 2022 Administrador no Sekretariu Munisipiu sesante la halo nota informativu ida ba diretor sesante sira.Entaun mosu fali iha 2024, hetan ona nota informativu ne’e, ami partilla informasaun ne’e ba diretór servisu Munisipal no delegasaun territorial sira hodi ida idak atu proses aida ne’e,” Miguel Armada Cardoso (Razão), Fundamenta
PAM Covalima Miguel Armada Cardoso (Razão), Fundamenta mos dehan la taka informasaun funsionariu sira liu liu ba funsionariu ne’ebé uluk assume kargu kargu xefia.
“Iha 2024, depois de pose iha dia 6 de marsu 2024, ami hetan nota informativu iha Dezembru, ami partilla kedas informasaun ne’e ba Diretór servisu Munisipal sira, atu deklara sira nia riku soin, mais notifikasaun ida ne’ebé ita hetan agora iha munisipiu covalima ne’e ne’e hahu iha 2022, ne’e seidauk iha ha’u nia mandatu, maibe ne’e Mandatu Administrador Sesante no Sekretariu Munisipiu Sesante hamotuk ho diretór sesante sira nia mandatu.” Nia hakotuk.
Reportazen RCCT
