Covalima ( RCCT ) 09-12-24 Xefe Suku Maudemu Maria Fatima dehan iha Pesoal Apoiu Suku balu seidauk iha kuñesimentu atu utiliza komputador hodi hala’o sira nia k’nar iha Suku. Tanba ne’e nia rekomenda ba Autoridade Munisipal Covalima atu tau planu hodi fo formasaun ba funsionariu ofisial apoiu Suku sira.
Xefe Suku Maudemu dehan lia ne’e wainhira partisipa Konsolidasaun ne’ebé realiza husi Servisu Munisipal Apoiu Organizasaun Não Governamental e Organizasatn Comunitario Munisipiu Covalima ho Xefe Suku na’in 30 no Administrador Postu hitu konaba oinsa atu foti dadus Monografia no Mortalidade, dadus Bolsa da Mãe, Ema ho Difiensia (EhD) no mos Veteranus sira nian iha salaun Administrasaun Covalima Tersa (03/12).
“ Ami hakarak hato hela ami nia rekomendasaun ba liliu iha lideransa suku nian iha munisipiu Covalima no mos ba iha Nasional ba iha DNAS atu fasilita hela formasaun ba ofisial apoiu funsionariu suku na’in hat ne’e, nafatin fo formasaun ba sira atu nune’e sira bele hatene k’lean liu tan oinsa mak sira hatene liliu liga ba sira nia servisu, tanba durante ne’e ami observa katak iha funsionariu ofisail apoiu suku na’in hat ne’e balu seidauk apar didi’ak sira nia k’narr ho responsabilidade ho di’ak, ho ida ne’e hakarak rekomenda ba DNAS no Diretóra Apoou ONG Munisipiu atu bele nafatin tau planu hodi hala’o formasaun no mos ba xefe suku sira atu nune’e ba futuru xefe suku sira mos hatene sira nia k’nar no responsablidade no mos halo liña kordensaun entre xefe suku ho sira iha Munisipiu no to’o iha nasional” Xefe Suku Maudemo Maria Fatima, Rekomenda.
Hatan ba preokupasaun ne’e Diretóra Servisu Munisipal Apoiu ONG Munisipiu Covalima, Maraia de Jesus Pereira, hatete sei nafatin tau planu hodi kapasata pesoal apoiu suku sira hodi bele iha kapasidade liu liu konaba sira ida idak nia servisu iha suku ne’ebé sira destaka ba.
“Tinan oin ita sei hare orasamentu ne’ebé mak kada trimestral, karik Q1 nian mai iha fulan marsu ne’e aprova orsamentu entaun ami iha planu ami sei fo formasaun ba ofisial sira ne’ebé mak destaka iha suku sira konaba area finansas no IT hodi nune’e ba futuru sira bele hala’o servisu ho responsabilidade” Diretóra Servisu Munisipal Apoiu ONG Munisipiu Covalima Maria de Jesus Pereira.
Entretantu Munisipiu Covalima iha Suku 30 Aldeia 148 ne’ebé existe iha Postu Administrativu 7. Nune’e foin dadaun Governu hala’o ona rekrutamentu ba Ofisial Apoiu Suku hamotuk ema na’in 120 ne’ebé kada Suku ida iha Ofisial Apoiu Suku hamotuk ema na’in hat, kompostu husi; Pesoal Apoiu Administrasaun Suku na’in ida, Sekretaria Suku na’in 1, Ofisial Administrasaun Suku na’in ida, Ofisial Finansas suku na’in 1 no ofisial Sosial na’in ida.
Jornalista : Alfredo Barreto
Editor : Chamot Nahac
