Covalima (RCCT) 22-11-24-Ministru Obras Publiku (MOP) Samuel Marçal ne’ebe akompaña husi Vise Ministru Infraestrutura Júlio do Carmo no Prezidente Autoridade Munisipiu Covalima, Miguel Armada Cardoso kodigu Razão, hala’o lansamentu hatur fatuk dahuluk ba ponte Mali-Loek ne’ebe lokaliza iha Aldeia Sanfuk, Suku Kamenasa, Postu Administrativu Suai.
Konstrusaun foun ba Ponte Mali-Loek ne’e sei konstrui husi Join Ventur entre Kompañia Dany Star Unipesoal, Lda no Kompañia Djeje Oal Unipesoal. Lda, tan ne’e Ministru Obras Publiku (MOP) Samuel Marçal, husu ba kompañia rua refere atu tenki hala’o servisu ho responsabilidade no kualidade nune’e bele nafatin hetan fiar husi husi governu iha futuru.
“Governu liu husi MOP fo fiar ba imi maske ki’ik oan mas halo ho kialidade, halo didi’ak , labele hanoin deit ba osan, labele hanoin de’it manan, maibe hanoin katak ida ne’e oportunidade ida ba imi hodi aprende, hodi kontribui ba ita nia rain, apa lagi imi hanesan Zumalai oan, Covalima oan halo didi’ak, halo ba rai ida ne’e, imi halo didi’ak imi fiar katak rai ida ne’e sei take nafatin imi lori nafatin ba oin, halo ho at bele fiar ha’u katak labele la’o ba oin, ne’ebé iha oportunidade barak iha ha’u nia mandatu ne’ebé ko’alia mos ho Primeiru Ministru nia politika sei dudu nafatin imi setor privadu nasional sira sei fo oportunidade ba imi para atu kaer ita nia nasaun ne’e la’o ba oin, ne’ebé husu ba imi sira hetan fiar ne’e kaer halo didi’ak, maske ki’ik oan kaer halo didiak kualidade manan fiar ne’ebé bo’ot liu, wainhira kuandu hetan fiar bo’ot liu sei mai buat ne’ebé bo’ot liu” informa Ministru Obras Publiku (MOP) Samuel Marçal.
Prezidente Autoridade Munisipiu Covalima, Miguel Armada Cardoso kodigu Razão, hatete Ponte Mali-Loek kontrui iha okupasaun Indonezia mai to’o iha era ukun-an, hafoin iha mandate nonu governu foin maka halo kontrusaun foun.
“Ha’u fiar katak tinan barak nia laran ita hotu hein ba saida, kada tinan iha fatin ida ne’e ha’u nia komunidade partilla tiha informasaun ida ne’e bebeik katak ponte ida ne’e ami liu ladi’ak, maibe agradese ba aman maromak, agradese wa’in ba Ministru Obras Públika bele organiza ona ohin loron ida ne’ebé ita hotu haksolok liliu ba ha’u nia komunidade ne’ebé lor-loron liu iha fatin ida ne’e durante ne’e ita liu araska tanba liu husi mota laran bainhira mota tun maka’as ita sei hein, maibe ohin loron hahu no fiar katak tinan ida ka rua tan remata ka finaliza ona ita bele liu ona husi ponte nia leten,” Armada informa.
Entertantu iha serimonia lansamentu hatu’ur fatuk dahuluk ba ponte Mali-Loek iha Aldeia, Sanfuk, Suku Kamanasa, Postu Administrativu Suai, hetan partisipasaun masimu husi Ministru Obras Publiku (MOP) Samuel Marçal ne’ebé akompaña husi Vise Ministru Infraestrutura Júlio do Carmo no Prezidente Autoridade Munisipiu Covalima, Miguel Armada Cardoso kodigu Razão, inklui komunidade sira no obra ida ne’e governu fo fiar ba iha kompaiña Dany Star Unipesoal.Lda no Djeje Oal Unipesoal. Lda ho montante orsamentu hamutuk $ 1,119, 530.98 no durasaun ba obra ne’e ba fulan 8 nia laran.
Jornalista : Julio Salinas
Editor : Chamot Nahac
