Covalima-‐-Komandante Polisia Nasional Timor-Leste (PNTL), Munisipiu Covalima, Superientendente Polisia, Basilio de Jesus, hatun orientasaun ba nia membru nasin 10 hodi akompana Serbisu Tekniku Administrasaun Eleitoral (STAE) no Comisaun Nasional Eleisaun (CNE) hafoin kontajen votus eleisaun parlamentar 2023 nian iha munisipiu Covalima nian remata ona no lori akta ba kedas Dili.
“Agora membru polisia hamutuk ema nain 10 maka sei akompana ita nia urnas tama to’o Dili, ita husu labele akontese tan liliu ba nai Diretor CNE ho Diretor STAE antes ne’e hafoin ba foti material sensitive no laos sensitive iha STAE nasional lori mai Covalima to’o dalan klaran hetan dezastre kareta baku fila, ho razaun sira ne’e ohin membru nain 10 mak sei akompana akta ba iha nasional” informa Komandante Polisia Nasional Timor-Leste (PNTL), Munisipiu Covalima, Superientendente Polisia, Basilio de Jesus, iha nia intervensaun iha STAE Munisipiu Covalima Tersa (23/05).
Komandante ne’e husu motorista ne’ebe tula urnas husi Covalima ba Dili tenke iha kondisaun saude diak, kondotor ida ne’ebe iha kapasidade bele lori kareta no kondodtor ida ne’ebe iha karta kondusaun, labele foti fali kondotor foun ida ikus mai lao to’o iha dalan klaran hetan asidente ne’e perigu.
Nia sublina lori fila urnas ne’e ba Dili tenke ho rezultadu ida ne’ebe diak lao mai ho dezastre iha dalan klaran fila fali mos ba Dili ho triste hanoin ne’e ladiak, maibe tenke ba to’o iha kapital ho diak, ida ne’e mak hanesan komandante munisipiu nia mensajem ba ema hotu nia kontribuisaun, no ema hotu tenke sai nain ba seguransa no sai nain Covalima.(azu)
