Covalima (RCCT) 03-02-25- Sekretariu Estadu kooperativa (SEKoop), Arsénio Pereira da Silva, rekunese durante ne’e Kamponeza sira hasoru difikuldade wainhira kuda bafo kay rala tanba sei utiliza sistema manual.
Arsénio Pereira da Silva, dehan kuandu kuda Bafo Kay Rala uza sistema manual, difikulta tebes to’os na’in sira atu hala’o servisu ho lalais, maibe ho problema hirak sira ne’e hotu SEKoop sei tau iha planu hodi investe ba kompeneze sira liu husi sosa makina ne’ebé bele utiliza hodi kuda bafo kay rala.
“Hatene katak ita kuda ho manual ida ne’e difikulta tebes mesmu makina manual iha maibe rai tenke halo kaber, se hanesan ne’e ita dudu makina la di’ak, tanba ida ne’e maka ita sei la’o ho manual, maibe hein katak futuru mai fali ita bele hare makina sira ne’ebé ema tu’ur iha leten bele lansung kuda para hakman servisu ita nia kamponeza sira,” dehan Sekretariu Estadu kooperativa (SEKoop), Arsénio Pereira da Silva.
Arsénio kompromete tinan oin sei tau iha planu orsamentu hodi sosa makina foun kuda bafo kay rala ninian no mos fo apoiu ba kamponeze ba iha etapa liliu ba iha post kolleta nian.
“Ba oin saida mak ita bele halo, orsamentu ne’e anual tan ne’e ita bele hare mos konaba ida ne’e, tinan oin ita bele tau mos ba orsamentu liliu ba ida post kolleta nian, uluk iha ona maibe hanoin tinan 5 liu ona ba balu at ona, maibe bele mos iha osan transferensia publiku, grupu sira husu para bele hola makina, depende ba sira nia pedidu mai iha SEKoop” nia informa.
Enkuantu Sekretariu Estadu kooperativa (SEKoop), Arsénio Pereira da Silva, sujere ba kamponeze ka grupu to’os na’in sira atu hato’o pedidu ba SEKoop hodi husu asesu ba fundu transferensia publiku nune’e bele utiliza hodi sosa makina kuda Bafo Kay Rala no fasilidade ne’ebé bele utiliza hodi hala’o servisu iha to’os laran.
Notisia relavante : https://www.rcct.tl/planu-hasae-produsaun-rai-laran-sekoop-kontinua-lansa-kuda-bafo-kay-rala-iha-covalima/
Jornalista : Julio Salinas
Editor : Chamot Nahac
