Covalima-RCCT- Sidadaun Jose Cardoso nebe halai sai husi Kuarantena Bairo Costa iha Quarta Feira (14-10-20) liu ba, Komunidade sira iha Sukabi laran-Aldeia Ai Oan, Suco Lalawa, Postu Admnistrativu Tiloma’ar, kaputura no intrega hikas ba parte sigurasan no Saude nune’e bele halo prosesu tuir regra nebe iha.
Tuir afirmasaun husi Xefe Aldeia Ai-Oan Manuel Amaral ba Joarnalsita RCCT via telephone hateten, Komunidade iha Sukabi Laran, Aldeia Ai-Oan hetan Jose Cardoso foin fila husi manu futu nebe hiit manu mate ida no kous manu moris ida tama iha ninia (Jose) Avo ho ninia tia nia uma, hafoin familia ne’e mak informa ba familia seluk hodi telefone ba parte seguransa no iha mais ou menus oras tuku 3:30 Polisia halo kedas kapturasaun ba Sidadaun Jose Cardos iha ninia avo nia uma.
“ohin kaer Jose ne’e, nia hodi manu mate no moris ida, hamotuk manu aman rua, atu tama tan ninia aman nia uma, depois tia tian nebe hela ho ninia avo ne’e mak telefone ba ninia tiu ida fali naran Gonsalo depois Gonsalo mak telfone ba polisia hodi mai kaer nia”Xefe Aldeia Ai-Oan Manuel Amaral haktuir.
Xefe Aldeia Manuel hatutan ninia Populasuan ne’e babain hela iha Alas antambua Indonesia nebe durante kuaze tinan ida resin ona, tanba iha Problema iha Alas neba mak nia(Jose) halai fila mai Timor Leste liu husi dala Ilegal.
“Nia hela iha Sorin nebe tinan ida resin ona, tuir infomasaun nebe ami rona, nia iha problema iha Alas neba, nia monu ho motor hamotuk ho ema nia feton, iha neba ema nia feton ne’e baixa hela iha hospital, ema nia familia buka nia ne mak nia halai mai fali iha ne’e.”Tenik Xefe Aldeia Ai-Oan.
Liga Problema ne’e, hafoin de kapturasaun Servisu Saude Municipio Covalima mos to’o kedas iha fatin akontesementu nune’e bele lori sidadaun ne’e ba Sulan fali iha Kuarentena hodi Kumpri regras Prevensaun Covid-19 hafoin kontinua ba Prosesu Investigasaun.
Tuir Komandante Polisia Operasaun Municipio Covalima Gaspar Mendosa da Costa hateten; antes ne’e, iha 2018 nia (Jose) iha nanis problema, tan ne’e durante ne’e nia (Jose) la kopera ho parte Polisia, entaun Rona nia(Jose), tama kuarentena Polisia tenta atu halo identifikasaun, maibe sidadaun ne’e la kopera nafatin no halai sai husi karantina.
“Komunidade mak Kaptura iha Salele, Sukabi Laran, depois Komunidade sira hato’o kedas ba polisia UPF no Pesoal Saude sira mos ba kedas iha fatin refere,”dehan Komandante Polisia Operasaun Covalima Gaspar Mendonca da Costa ba RCCT iha Kuarter Jeral Polisia Covalima, Sabado (17-10-20)
Tan ne’e Komandate Gaspar haktenik “ Iha ema ne’e problema nanis ona iha 2018, maibe nia la kopera ho polisia, entaun rona nia tama iha kuarentena, polisia mos koko atu identifika nia, maibe la konsege tama Jose halai sai husi Kuarentena iha dia 14 Outobro liu ba.”Tenik Komandante Gaspar.
Relasiona ho problema nebe Jose komete, tan ne’e hafoin Komunidade sira iha Salele Sukai Laran, Polisia no Pesoal Servisu Saude sira Lori Sidadaun Jose ba halo Disifektan iha Kuarentena Bairo Costa Suai depois Lori Jose ba Sula iha Sela Polisia Municipio Covalima nune’e hodi bele halo investigasaun, no kontinua hetan kontrolu husi Parte Saude relasiona ho Prevensaun Covid-19.
“Tan nia iha kazu ne’e mak Polisia hodi mai iha kuaratel PNTL Covalima hodi bele halo identifikasaun didi’ak nune’e bele asegura nia iha Sela Kommando nian durante 14 dias no sei hetan kontrola mos husi servisu saude Municipio Covalima ”dehan Gaspar Mendonca ba jornalista rcct
Iha fatin hanesan Kordenador Medico Jeral João Miguel Hans Travolta hateten depois de Sidadaun ne’e halai, sira labele lori fali sidadaun refere ba izola tan iha Kaurantena, tamaba sidadaun refere antes ne’e iha ona kazu.
Tamba ne’e Travolta hateten la seguru atu izola fali sidadaun refere iha Kuarentena Suai tanba tauk, akontese tan Sidadaun Jose halai sai tan dala ida husi kuarentena.
“Ema ne’e iha Kazu entaun, ita labele hatama nia iha kuarantena, bainhira ita tau fali iha Kuarantina, mak nia halai sai fali ne’e se mak atu toma responsavel bai da ne’e. tanba ne’e ami foti desizaun lori nia mai iha edifisiu komando PNTL nune’e polisia bele asegura nia iha sela laran durante semana 2 nia laran.”Dehan Mediku Travolta.
João Travolta hatutan parte seguransa la iha direito atu tama ba iha kaurentena laran, maibe sira iha direitu atu asegura wainhira pesoal saude sira persija sira nia tulun.
“Iha Kuarantina laran seguransa la iha direito atu tama to’o iha laran, maibe kuandu ami persija mak sira foin mai asegura ami maibe la tama no iha laran, tamba ema ne’e mak tama iha Kuarantina, ne’e mai husi nasuan afetadus husi Covid-19, tan ne’e tenki evita sira husi risku ne’e.” tenik Travolta.
Mediku Travolta mos dehan, Kuarentena la’os fatin atu Sulan ema sira nebe iha Kazu, maibe atu hatama ema sira nebe mai husi Nasaun Afetadu husi Covid-19.
“Ita hatene katak ema nebe mai ho risku tanba fila husi Nasaun afetado sira ne’e ita tenki halo prevensaun ba sira durante 14 dias iha fatin Kuarentena, no ida ne’e Pessoal Saude mak hare direita, maibe ema sira nebe iha Kazu ne’e nia fatin la’os iha Kuarantena, sira tenki ba tama sela” Travolta hakotu.
Ho nune’e Sidadaun Jose Cardoso nebe halai sai husi Kuarentena iha dia 14 de Outubro liu ba ne’e, oras ne’e dadaun, Polisia Municipio Covalima Sulan hela iha Sela Kuartel Jeral Polisia Covalima Durante loron 14, no tuir informasuan nebe RCCT assesu, maske Sulan iha Sela laran maibe Pessoal Saude nafatin halo kontrulu maximu ba sidadaun refere relasiona ho Prevensaun ba moras Corona Virus durante loron 14 nia laran.
Jonalista : Jhana Cardoso/J’Barros.
Editor : Chamot Nahac
