Covalima (RCCT) 30-01-25-Juventude Covalima ne’ebé durante kompete ba Vaga Online atu servisu iha Australia hamutuk Ema na’in 270 ne’ebé tuir Kursu Lian Inglés Primeiro Faze, Senti kontenti ho politika Nonu Guverno ne’ebé hakarak hakbesik Sentru Formasaun mai Munisipiu hotu, hodi fo oportunidade Ba Kandidatu Traballador Australia Vaga Online Sira, ne’ebé la pasa iha teste Lian Inglés atu bele kuñesimentu iha lian refere.
Jose Quintão Amaral konsidera Politika Governu hakbesik formasaun lian Inglés mai to’o iha Munisipiu Covalima hodi bele ajuda sira atu alkansa mehi hakarak servisu iha nasaun Australia.
“Agradese tebes ba SEFOPE ne’ebé halo Liña kordenasaun di’ak tebes ho Ami nia Diretór Servisu Munisipiu Covalima ne’ebé halo kordenasaun ho ami nia Formador hodi tuir kursus Formasaun durante Fulan tolu, maske iha prosesu Ami hasoru dezafius oioin maibe Ida ne’e la sai obstaklu. Ida ne’e Mak motiva ami no aspira ami bele alkansa mehi ne’ebé ami iha hodi bele ba servisu iha Rai Australia” hateten Estudante Jose Quintaun Amaral
Iha Fatin hanesan, Kordenador Formasaun Lian Ingles Iha Munisipiu Covalima, Jose de Araoju Amaral, hateten Kandidatu Traballador sira ne’ebé tuir formasaun iha Sentru Formasaun SKA no Akar Laran hamutuk Ema nain 270 maibe iha ema na’in 15 mak rejigna an nune’e iha ema na’in 255 pasa ona ezame iha Munisipiu Covalima.
“Formandu ne’ebé mak tuir kursu ne’e hamutuk 270 maibe sira balu mak rezigna an fali, entaun hamutuk hela ema na’in 255 sira Ida Mak Pasa ne’e. Ema na’in Sanulu resin mak la pasa” informa Kordenador Formsaun Lian Inglés Iha Munisipiu Covalima, Jose de Araoju Amaral
Kordenador Formsaun Lian Inglés Munisipiu Covalima Jose de Araoju Amaral, haktuir Formasaun ne la’os hotu ona iha Munisipiu Covalima, Maibe sei iha tan etapa daruak ne’ebé sei fo oportunidade ba Estudante sira ne’ebé seidauk iha oportunidade tuir Formasaun Lian Inglés.
Jornalista:Moichung
Editor : Chamot Nahac
