Covalima (RCCT) 22-03-23, Ministru Petroleo no Minerais, Victor da Conceição Soares, informa oras ne’e daudaun Greater Sunrise sai preokupasaun bo’ot ba iha sosiedade tomak.
“Ita ko’alia kona-ba Greater Sunrise, hau hanoin sai preokupasaun bo’ot ba ita nia sosiedade tomak, hanoin ema hotu akompaña situasaun ida ne’e katak greater Sunrise depois iha tinan 2020 tesik mai ne’e negosiasaun ho Australia konfiansa entre governu Australia no governu Timor-Leste iha konfiansa diak tebes, tanba ida ne’e maka tuur hamutuk iha meja diskute agora bolu diskusaun negosiasaun iha nivel bilateral entre nasaun rua no mos trilateral ho mos joint venture Greater Sunrise nian ne’e maka operador Woodside ho Timor Gap ita nia empreza estatal”esplika Ministru Petroleo no Minerais Víctor da Conceição Soares, iha diskursu hafoin partisipa desiminasaun informasaun ba autoridade lokal sira kona-ba setor Petroleo no Minerais, organiza husi Timor Gap ne’ebe hala’o iha Salaun Administrasaun Munisipiu Covalima, Tersa (21/03).
Nia haktuir iha tinan 2020, 2021tesik mai ne’e negosiasaun iha Australia konfiansa entre governu Timor-Leste ho governu Australia ne’e iha ko fiansa diak tebes tanba ne’e maka tuur hamutuk iha meja diskute agora bolu diskusaun iha nivel bilateral entre nasaun ho mos trilateral nasaun rua ho mos joint venture Greater Sunrise nian maka operador Woodside no Timor Gap ho mos Osaka gas, kontinua halo diskusaun ida ne’ebe intensivu tebes.
Ministru dehan Prezidente ANPM No Presidente Timor Gap mos foin fila husi Australia ba halo negosiasaun no ohin kontinua mai iha Covalima para atu bele ko’alia lia loos lia murak ba povu Covalima, hanoin progresu sira ne’ebe sira diskute intendimentu lao diak tebes ko’alia kona-ba kodiku mineru petroliferu dehan katak tama ona iha knkluzaun hein aprovasaun kontratu de partila produsaun maibe iha pontu balu maka presija tenke iha alinamentu ne’ebe hein katak tempu besik konklui hodi bele halo asina kontratu.
“Husu ita Timor oan hotu tenke fo konfiansa ba prezidente Timor Gap ho Prezidente ANPM tanba sira ne’e maka ita nia matan, ita nia ibun, ita nia oan sira ne’ebe uluk iha tinan 2000 haruka sira ba eskola ne’ebe agora daudaun defende ita nia soberania, defende ita nia estadu, tanba ne’e agora ita tenke fo konfiansa ba sira, tanba sira ne’e mai husi povu atu serbi duni ba povu” Ministru Victor dehan.(JS)
