Covalima (RCCT)-23-11-24-Governu liu husi Ministeriu Administrasaun Estatal (MAE) Atribui ona Motorizada hamotuk Unidade 60 kompostu husi Motorizada ho marka Revo fit 30, Mio Beat 1 no Horda Versa hamotuk 29, ba Suku 30 ne’ebé Partense iha Munisipiu Covalima.
Reprezenta MAE atual Diretór Jeral, Antonio Guterres iha nia intervensaun hatete governu atribui motor ba xefe suku la’os atribui ba sekretariu suku maibe uza deit motorizada hodi hala’o servisu ba administrasaun suku.
“Ohin ha’u rona katak Sekretariu atu simu motor, maibe la simu keta hirus Sekretariu la hetan motor maibe uza motor, hetan motor no uza motor iha difrente, ne’e aset suku, se kuandu entrega ba Sekretariu maka sei uza tuir nia hakarak tanba termu intrega ne’e aktus administrativu vinguladu katak ida ne’e evidensia maka termu intrega,responsabilidade suku wainhira sira na’in-4 ne’e entrega planu atravesa sekretariu informa ba xefe suku fo ordem la’o uza motor tuku hira sei hatama ba suku tuku hira, ne’e ordem, sekretariu mai fo apoiu ba administrasaun suku prepara relatóriu, prepara ajende ba xefe suku halo enkontru” nia dehan.
Reprezenta Prezidente Autoridade Munisipiu Covalima, Afonso Nogueira Nahak, husu ba xefe suku sira atu kuidadu didi’ak motor ne’ebé governu atribui ona.
“Ohin ita bele hetan motoriza unidade 60, hanesan reprezenta Prezidente Autoridade Munispiu Covalima hakarak fo hanoin deit ba ita bo’ot sira katak atu uza motorizada ida ne’e ho didi’ak, atu uza ba atividade governu nian, xefe suku sira motor ida no pesoal apoiu suku sira hamutuk ema na’in-4 motor ne’e la’os destinadu ba ema na’in-1, maibe motor ne’e destinadu ba ema na’in-4 atu uza didi’ak tuir servisu, husu ba imi hotu atu kuida motor ne’e hodi halo servisu administrasaun suku ida-idak” Reprezenta PAM Covalima Afonso Nogueira Nahak dehan.
Xefe Suku Ogues Febriano Perreira dehan sei orienta no jere hamotuk ho Pesoal apoiu suku sira hodi utiliza didi’ak motorizada ne’ebé Governu Atribui ona ninia suku.
“Hanesan xefe suku iha kompetesian atu halo jestaun ba liu liu ba funsionariu suku sira ne’ebé iha motor ida hodi halo servisu tuir sira nia nesesidade servisu iha baze” Esplila Xefe Suku Ogues Febriano Perreira.
Nune’e mos Xefe Suku Nanu, Postu Administrativu Fatumea, Abel Mendonça, hateten sei uza motor ho responsabilidade tuir mata dalan ne’ebe iha no sei uza hodi hala’o servisu atividade governu nian ba atende komunidade sira.
“Ita sei uza tuir mata dalan ne’ebé maka ita hatene no ita uza tuir nesesidade governu nian wainhira iha presija governu nian ne’e ita uza motor ida ne’e halo atendimentu ba komunidade nia nesesidade, liga liu ba ami xefe suku sira destakadu iha fronteira, motor ida ne’e ita labele uza ba halo business labele uza ba ita nia partikular no labele fa’an ba Indonezia no ami fiar katak programa ida distribuisaun motorizada ida ne’e loos duni ita tenke la’o tuir lei ne’ebé maka estabelese ona konaba lalaok uza motor nian, ha’u fiar katak iha motorizada ami sei uza tuir mata dalan ne’ebé maka iha, ami labele ses husi lei” nia dehan.
Engkuantu Governu liu husi Ministeriu Administrasaun Estatal atribui ba kada suku ida hetan motirizada unidade 2, Honda Versa ida ba Xefe Suku no mos Revo Fit ida ba Funsionariu Apoiu Suku sira hodi hala’o servisu. Maibe uniku Suku Maudemu ne’ebé lidera husi Feto Potensial Maria Fatima mak hetan Motorizada Mio ida no Revo fit Ida.
Jornalista : Julio Salinas
Editor : Chamot Nahac
