Covalima (RCCT) 21-04-23 Comisariu Comisaun Nasional Eleisaun (sigla Portugés CNE) destakadu Munisípiu Aileu no Covalima, Carlito Martins Esplika, Comisaun Nasional Eleitores (CNE) ho Sekretariadu Tekniku Administrasaun Eleitoral (STAE) realiza enkontru ho ambitu koordenasaun entre entidades lokal sira oinsa hodi garante eleisaun pasifiku 2023 hodi kria pas, dame no trankuilidade atu garantia establidade no paz realizasaun iha eleisaun parlamentar.
“Papel CNE nian hanesan orgaun Administrasaun Eleitoral no STAE iha obrigasaun para oinsa atu kontinua halo koordenasaun ho autoridade lokal no segiransa iha nivel munisipiu para atu nune’e iha koordenasaun diak hahu husi aldeia, suku no postu administrativu to’o iha munisipiu para atu garantia eleisaun padifiku lao ho dame pas no trankuilidade“ Komisariu CNE destakadu Munispiu Aileu no Covalima Carlito Martins ba Jornalista sira iha Salaun STAE Munisípiu Covalima kuarta (19/04).
Fatin hanesan Komandante PNTL Munisipiu Covalima Superintendente Basilio de Jesus Hateten, Primeiru kolia kona-ba assuntu setor seguransa sai hanesan setor privado ida ne’ebe maka atu bele fo garantia seguransa iha Covalima atu hakmatek laos garantia mai husi PNTL deit, maibe tenke garantia ba ema hotu-hotu.
“Eleisaun pasifiku ne’e atu husu oinsa mak Suai ne’e hakmatek, Suai atu moris hakmatek laos garantia mai husi PNTL deit, maibe tenke garantia ba ema hotu-hotu, ne’e mak ita kolia asuntu pasifiku, tamba ne’e hau dehan se ema ida ita foti hakarak eleisaun ne’ebe pasifiku akontese iha Munisipou Covalima, entaun hau dehan ba ita hotu ba xefe suku, xefe postu no mos polisia official suku, komandate eskuadra sira hotu, estrutura tomak iha komando munisipiu Covalima, atu responde ho diak ba iha tema ida ne’ebe ohin temi dehan katak eleisaun pasifiku iha Covalima ida ne’e ” dehan Komandante PNTL Basilio de Jesus.
Entertantu enkontru koordenasaun ho Autoridade Lokal ba Eleisaun pasifiku 2023, ne’ebe realiza iha salaun STAE Munisipiu Covalima ne’ebe partisipa husi Komisariu (CNE) komandante PNTL Munisipiu Covalima, representante Diretor STAE, Diretor CNE Munisipiu Covalima, komisaun reguladora arte marsiais Munisipiu Covalima, no mos Xefe suku sira, Partidus Politikus sira Inklui membrus Taskfor iha Munisipiu Covalima.(JS)
