Nune’e katuas adat sira tatoli lia menon ba xefe suku eleito atu ukun ho responsavelidade no hakohak povu kamenasa tomak labele halo diferensia entre komunidade sira iha aldeia
“Ba Xefe Eleito, hau hanesan adat iha suku kamenasa Aldeia fatuisin, ha’u hakarak fo lia menon badak ida ba xefe suku eleito, Xefe la bele hare ba si A ka si B, tenki hakohak tomak ba povu kamenasa, reinu kamenasa.” Katuas Adat Bei Basin iha Fatuisin Clementino Amaral, Hameno.
“ohin loron lori ukun tan ema reinu nia hakarak, ne’ebe konaba ukun rai nia haklaok ba oin hare ba ema reinu nia hakarak, hodi ukun laos buat ki’ik, maibe buat bo’ot nudar ukun rai, tau matak ba reinu labele tui ita nia hakarak, reinu at ka di’ak, ne ita nia oan hotu, ne’eb reinu nia hakarak saida deit ukun tenki halo tuir, tanba ukun rai nudar inan no aman” Bei Fukun, Simplicio Amaral mos tatoli lia.
Iha Sorin seluk, Xefe Suku Atual Samuel Barros mos hameno ba Xefe Suku eleito atu kontinua servisu hamotuk atu kontinua tomak hodi halo dezenvolvimentu durante mandatu tinan 7.
“Mensazen ikus ba ha’u nia Xefe suku eleito, ha’u tatoli deit saida mak ha’u halo no saida mak ha’u seidauk halo, husu ba xefe eleito para bele kontinua, depois ukun ka lidera labele fihir, hakohak komunidade suku kamensa tomak, tantu nia fo votus ka la apar hanoin, maibe responsavelidade nudar lideransa lebele fihir komunidade.” Atual Xefe Suku Kamenasa, Samuel Barros dehan sai nia mensazen.
Nia kontinu husu ba komunidade kamenasa “Ha’u husu ba komunidade suku kamenasa, dezenvolvimentu la ses husu kolaborasaun, ne’e duni kolabora importante para bele lori suku kamenasa ba suku ida ne’ebé ita hotu hakarak, suku saudavel, suku amigavel” tenik Samuel
Enkuantu Xefe Suku suku Kamenasa Eleitu, Fernando Noronha Apresia ho Konfiansa ne’ebe fo hodi lidera komunidade sira durante tinan 7nia laran, nia mos konfesa konaba, atu halo dezenvolvimentu iha suku laran, sei kolabora ho parte hotu hodi atinji komunidade nia hakarak.
“Primeiro Ha’u agradese bo’ot tebes ba komunidade suku kamenasa iha aldeia hat ne’ebé fo fiar mai ha’u, durante tinan hitu ita hotu atu hare lisuk ba suku ida ne’e, ha’u sei la mesak, ita hotu sei hamotuk ho intelektual iha suku, liu liu ba juventude hotu, persija ita hamotuk hodi hare ba ita nia suku” Xefe Suku Kamenasa eleitu, Fernando Noronha hato’o nia agradesimentu ba komunidade kamenasa hafoin rona rezultadu kontazen votu husi aldeia hat, ne’ebe depozita votu maioria hodi hetan vitoria iha eleisaun orgaun suku segundu ronde tinan 2023.
Entretantu Eleisaun orgaun suku iha kamanasa ba primeiru ronde kompete husi ema na’in 6 maibe avansa ba segundu ronde ho kandidata na’in rua Fernando Noronha no Rosito de Araujo Monis, nune’e komunidade alega derota ba kandidatu Rosito votu 930 no depozita vitoria ba Fernando lidera suku kamenasa ho votu 1060.
Jornalista : Julio Salinas
Editor : Chamot Nahac
