Estudante ESTV Claretianu Salele konsidera Edukasaun Sivika nebe CNE fo bele hasae sira nia konhementu.

Covalima-21-08-20- Estudante Eskola Teknika Vokasional Claretianu Salele Apresia ho aktividade Edukasaun Sivika nebe CNE hala’o hodi hasa’e sira nia konhesementu kona ba hak’bit sensu partense ba aktu Eleitoral tuir prosesu Demokrasia nebe la’o iha Timor Leste.

Estudante Eugebio Pedro Inacio afirma hanesan estudante senti Kontenti ho aktividade Edukasuan Sivika nebe CNE hala’o ba sira ne’e bele fo konhesementu kona ba lei sira nebe iha relasaun ho Eleisaun ninian hahu husi Konstituisaun RDTL no mos lei Partidu Politiku, Lei Eleisaun presidensial, Eleisaun Parlamentar no mos lei ba Eleisaun Suku ninian.

“ Ha’u nu’udar estudante iha Eskola  ida ne’e senti kontenti tebes tamba ho prezensa CNE nian hodi mai fo ona formasaun hirak ne’e mai ami atu nune’e ami bele hatene liu kona kona ba lala’ok resensiamentu eleitoral ninian no lala’ok konaba eleisaun ninian ”Dehan Estudante Eugebio Pedro Inacio ba RCCT Hafoin Partisipa iha aktividade edukasaun sivika husi CNE iha Eskola teknika Salele.

Tan ne’e Eugebio dehan “Materia hirak ne’e ami simu hanesan buakae ida ne’e mak di’ak, no materia hirak ne’e hodi fo hanoin mai ami atu nune’e ami sira nebe mak atinzi ona idade tinan Sanulu resin hitu (17 anos) hodi tuir proseso eleisaun iha tinan oin mai.”Nia Hakotu.

Jornalista                 : Jhony / Jhanu

Editor                        : Chamot Nahac