COVALIMA—– Diretor Serbisu Tekniku Administrasaun Eleitoral (STAE) Munisipiu Covalima Francisco Gusmão hateten eleisaun parlamentar tinan 2023 iha Munisipiu Covalima lao ho susesu tanba hetan apoiu seguransa masimu husi PNTLMunisípiuCovalima.
“Ita iha Munisipiu Covalima determina ona ita nia serbisu hanesan konatejen akta de inisial iha Munisipiu Covalima hahu iha oras 12 kalan to’o ohin lorok raik ida ne’e atu fortifika hodi asina ita nia akta elektronika ho partidu politiku sira, tanba ne’e hau nia agradese wain tebes ba autoridade local sira ne’ebe fo tomak ninia apoiu iha parte eleisaun ne’ebe hala’o iha Covalima, liu husi apoiu sira ne’e ita nia atividade eleisaun lao diak laiha problema ne’ebe mosu iha fatin-fatin buat sira ne’e hotu lao diak tanba hetan apoiu seguransa masimu husi ita nia polisia iha Covalima” informa Diretor Serbisu Tekniku Administrasaun Eleitoral (STAE) Munisipiu Covalima Francisco Gusmão iha nia diskursu hafoin hala’o asina akta ho fiskais partidu politiku sira iha Salaun ekontru STAE Munisipiu Covalima Tersa (23/05).
Director STAE haktuir atividade eleisaun lao diak laiha failansu iha fatin-fatin, tanba ne’e hetan apoiu masimu seguransa husi komando PNTL Munisipiu Covalima maka fo prezuizu uitoan bai ha ninia seguransa, atu nune’e komunidade liliu ba juventude sira bele hakmatek bainhira iha loron votasaun lao.
Diretor STAE ne’e mos fo agradese ba parte fiskais ne’ebe maka fo ona kolaborasaun diak iha sentru votasaun ne’ebe maka destaka ninia fiskais sira iha sentru votasaun ida-idak laiha naksalak ou laiha preokupasaun ruma husi fiskais sira iha sentru votasaun espera katak sira nia kopera serbisu ho brigada sira iha sentru votasaun sira hotu lao diak.
Diretor STAE fo mos agradese ba media no observador sira ne’ebe halao ona serbisu hanesan media halo koperasaun diak ho STAE no CNE, observador sira ne’ebe maka observa ona prosesu hirak ne’ebe lao durante eleisaun nia laran.
Haree husi rezultadu eleisaun ne’ebe iha Munisipiu Covalima votus maioria husi Partidu CNRT ne’e la hatudu katak partidu CNRT maka manan iha Covalima maibe komunidade tomak maka manan iha eleisaun parlamentar tinan 2023, tanba hotu-hotu nia kontribuisaun ba iha prosesu tomak ne’ebe hala’o iha Elpar, ho nune’e atividades ne’e lao laiha perturbasaun ka dezentendimentu perturba iha sentru votasaun ka iha fatin hotu-hotu.
“Ida ne’e hau apresia tanba ita nia komandante munisipiu ho nia estrutura sira asegura iha parte seguransa iha teritoria Covalima laran tomak, entaun ita nia joven sira hakmatek iha loron festa demokrasia ida ne’ebe ita hala’o daudauk liu ba ne’e” nia informa.(Azu)
