Covalima(RCCT) 20-02-21-Bazeia ba Sirkular Nú.01/AM.Covalima/II/2021,iha loron 19 fulan Febereiro 2021, iha ponto datoluk deskreve katak suspende Provizoriamente atividade ensinu aprendizajen ba eskola nivel hotu hotu iha municipio Covalima no sei fo mos fleksiblidade ba kada diretor Eskola tuir situasaun real iha ida idak nia fatin, tanba ekipa task force municipio covalima retira fali regulamentu pontu 3 husi sirkular Nú.01/ AM.Covalima/II/2021,iha loron 19 fulan Febereiro 2021.

” Maibe sabadu ohin 20 – 02 – 2021 Ekipa Task Force Munispio Covalima liu husi sirkular ne’e dada fali fila fali pontu 3 husi sirkulár nú.01/A.M.Covalima/ II /2021 no hato’o ba diretor Eskolar iha nivel ensinu hotu hotu iha municipio Covalima katak Ensinu no Aprendizajen la Suspende iha Covalima no hein desizaun husi Ministerio Edukasaun Joventude no Desportu ( MEJD )” Deklara ba Radio Cova Taroman Administrador Municipio Covalima, Afonso Nuguera Nahak liu husi konfrensia iha sabado (20-02-21) loro kraik, iha sala engkontru administrasaun do Municipio Covalima.
notisia Relevate:Karta Sikular husi Administrador Municipio Covalima No 01/AM.Covalima/II/2021 kona Impoen Serka Sanitaria iha Covalima

Administrador Municipio Afonso Nuguera Nahak haktuir desizaun engkontru hodi suspende ba eskola iha nivel ensinu hotu hotu iha Covalima tanba konsidera atu hadok an husi Moras Covid-19, tanba molok molok iha despaixu husi MEJD hodi suspende aktividade Eskolar iha Covalima, Estudante Feriadu uluk ona bazeia ba Karta Sirkular nebe mak Administrador hasai iha dia 19-02-21.

 “Desizaun ka despaixu husi Ministerio Edukasaun konaba feriadu no la feriadu sei publika iha Segunda Feira (22-02-21). Administrador ne’e hatutan antes ( MEJD ) fo sai despaisa maibe iha covalima estudante hotu hotu feriadu ona.” Katak Administador Municipio Covalima.

Iha Fatin hanesan Diretor Servisu Edukasaun Municipio Covalima Edmundu Perreira hateten Edukasaun Municipal sei halo karta ba Diretor eskola sira hotu iha Municipio laran relasiona ho rezolusaun Serka Sanitária nian hodi hein despaixu husi Ministerio Edukasaun Juventude no Desporto.

Lee mos :konfrensia Autoridade Iha Covalima  kona karta sikulasaun hodi Suspende aktividade no movimentu tomak hahu dia 19-de febreiru to’o dia 03 de marsu 2021.

Jormalista     : Saturnino Soares & Jose Ferreira

Editor             : Chamot Nahac

#Hamutuk_Ita_Luta_Kontra_COVID-19: #Uja_Maskara #Fase_Liman_Beibeik_Ho_Sabaun #Halo_Distansia_Fisiku