Covalima (RCCT) 13-12-24-Komunidade Husi Postu Adinistrativu Fohorem tenki selu osan dolar lima to’o dolar sanulu ba Komunidade sira hulan motor hodi utrapasa mota baer ne’ebé lokaliza iha Suku Beiseuk ligasaun Postu Administrativu Tilomar no Fohorem.
Mota Baer tun maka’as tanba udan ho intensidade maka’as durante oras ida resin iha Munisipiu Covalima hodi prezdudika Viazem komunidade sira ne’ebé halo viazen husi suai no Tilomar ba Fohorem.
Komunidade husi Fohorem Bernadino de Oliveira Agustinho, hateten sira tenki selu osan $ 5,00 to’ komunidade sira Leba motor bebeik ona sira sempre leba motor no kareta mos labele utra pasa mota Baer tanba korente mota maka’as.
“Mota Baer ne’ebé mak tun ne’e ita labele liu Motor, kareta mos liu ladi’ak tanba klean entaun ita tenki hein oras 3 hanesan ne’e” Komunidade husi Postu Administrativu Fohorem, Bernadino de Oliveira Agustinho informa.
Bernadino de Oliveira fundamenta tenki selu joven sira nia kolen tanba ajuda ona hulan sira nia motor hodi hakur liu mota Baer.
“Mota ne’e kuran ita bele liu maibe ita nia motor sira komunidade ne’ebé besik sira foti lori hakur liu ita selu $ 5,00 ou bele $ 10,00” tenik nia.
Entretantu durante tempu naruk ona maka Mota Baer Prezudika Viazem komunidade Fohorem iha tempu udan tanba Governu liu husi Ministeriu Obras Publiku seidauk konstrui ponte hodi fasilita komunidade nia viazem. Engkuantu Mota Baer lokaliza iha Aldeia Baer, Suku Beiseuk, Postu Administrativu Tilomar ligasaun ba Postu Administrativu Fohorem.
Jornalista:Moichung
Editor : Chamot Nahac
