Covalima (RCCT)-Hafoin to’o iha Fatumea Belulik Leten Quarta Feira (24-02-21) ohin mais ou tuku 12:30 meiu dia, Ekipa Ambulansia prosesa kedas hodi transporta pasiente Positivu Covid-19 husi Aldeia Klau Halek Suco Belulik Leten, Postu Administrativu Fatumea lori ba Sala Izolamantu Iha Nasional.
“ohin, Ekipa Ambulanse foin to’o iha tuku 12:30 meudia ne’e, agora prosesu tula hela pasiente nain 6 ne’e lori ba Sala Izolamentu iha Dili neba” dehan Xefe Belulik Leten Quintino Jose Amaral ba RCCT.
Xefe Suco ne’e mos informa ba RCCT Via telefone, katak ba dadaun ne’e Ekipa Vizilansia Sira kontinua nafatin halo sira nia servisu iha Fatumea liu liu iha fatin afetadu (Aldeia Klau Halek) hodi foti sampel ba familia husi suspeitu Positivu Covid-19 nain 6.
“Agora ekipa Vizilansia nafatin halo sira nia servisu hodi kontinua identifika ema sira nebe konsege halo kontaktu ho sira nain6, nebe agora dadaun ne’e ekipa saude sira halo foti hela sampel ba membru familia iha Aldeia Klau Halek” Tenik Xefe Suco Quintino.
Notisia relevante : Xefe Suco Quintino Preokupa ho Pasiente Covid-19 iha Fatumea-Belulik Leten seidauk transporta ba Sala Izolamentu.
Kobertura RCCT
#Hamutuk_Ita_Luta_Kontra_COVID-19:#Uja_Maskara#Fase_Liman_Beibeik_Ho_Sabaun #Halo_Distansia_Fisiku.
