Covalima (RCCT)-23-02-21-Xefe Sucu Belulik Leten Quintino Amaral preokupa ema na’in 4 iha Fatumea nebe Ekipa Jestaun Krizi ohin (23-02-21) anunsio Positivu Covid-19, sei dauk transporta husi Fatumea ba Sala Izolamentu, tanba ne’e Xefe ne’e konsidera ida ne’e hanesan risku ka Ameasa bo’ot atu ema sira ne’e hadaet tutan Covid-19 ba sira nia familia no ema seluk iha fatumea liu liu iha Suco Belulik leten.
Xefe Suco Quintino Infroma ba Radio Cova Taroman Via Telefone Tersa Feira (23-02-21)Kalan Oras Tuku 9:35, husi ninia Residensia iha Fatumea BeluliK Leten, Quintino dehan, babain ema tama Ilegal husi Indonesia mai Fatumea ne’e Ambulansia to’o lalais iha fatumea hodi transporta Sidadaun refere mai Quarentena iha Suai, Maibe ho Ema Nain 4 nebe Ekipa jestaun Krizi Anunsio positivu Covid-19 ne’e to agora seidauk transporta ba Sala izolamentu iha Dili.
“Ha’u Preokupa ho ema nain 4 na’in postivu covid-19, agora aumenta ona ba nain 6, to agora tuku 9 liu ona mos ema sira ne’e sei tula lori ba Dili, hau kontaktu ba pesoal saude iha fatumea ne’e husu kona ambulansia atu mai tula ema sira ne’e, maibe dehan ambulansia husi dili seidauk to’o mai, entaun ida ne’e risku atu ema sira ne’e bele daet tan ba sira nia familia, tanba sira ne’e sei hela iha ida ida nia uma hamotuk ho sira nia familia” dehan Xefe do Suco Quintino ba RCCT via telfone Tersa (23-02-21) Kalan tuku 9 liu.
Xefe Suco Fundamenta, maske ekipa jestaun krizi haruka ona ambulansia husi Dili mai fatumea atu transporta sidadaun na’in 4 positivu covid-19 ne’e ba izolamentu maibe to’o ona kalan tuku 9 liu maibe ambulansia seidauk to’o iha Fatumea, no sidadaun positivu Covid-19 ne’e sei hela iha ida idak nia rezidensia hamotuk ho sira nia familia.
“ohin loro kraik hau rona iha notisia Ekipa iha nasional haruka ona ambulansia mai atu hodi evakua ema sira ne’e ba dili maibe to’o agora pasiente sia ne’e sei hela iha sira nia uma ho sira nia familia, ida ne’e hau senti risku bo’ot atu numeru positivu iha Fatumea ne’e bebeik” tenik Xefe Suco Quintino.
Engkuantu Xefe Suco ne’e mos informa tuir informasaun nebe nia hetan husi pesoal saude sira iha fatumea katak agora dadaun Sidadaun nebe Positivu Amenta maibe ema sira ne’e deidauk Transpota ba DIli ka Suai, tanba ne’e Xefi Sucu ne’e husu atu Servisu Saude Covalima liu husi Ekipa Jestaun Krizi atu asegura emidiata ema sira nebe Positivu Covid-19 ne’e.
“ Ha’u Husu ba Sira Saude atu Asegura lalais ema sira ne’e iha fatin ida. Hodi haketak sira husi sira nia familia, nune’e bele prevene ema sira labele hadaet moras ne’e ba ema sira seluk, liu liu sira nia familia rasik nebe hela hamotuk ho sira” Quintino Hakotu.
Kobertura RCCT
Editor Chamot Nahac
#Hamutuk_Ita_Luta_Kontra_COVID-19:#Uja_Maskara#Fase_Liman_Beibeik_Ho_Sabaun #Halo_Distansia_Fisiku.
