Covalima (RCCT) 11-06-2026-AIFAESA realiza Seminariu Sientifiku iha Munisipiu Covalima primeiru hodi selebra ezistensia ba dala 10 hodi fahe informasaun ba emprezariu Internasional, Nasional no Lokal sira, ne’ebe mak investe makas iha area negosiu nian.
Inspetora Geral AIFAESA Odete da Silva Viegas relata AIFAESA eskolla Munisipiu Covalima hodi realiza Seminariu Sientifiku ida ne’e tanba Munisipiu Covalima sai Tranzaksaun makas iha area fronteira.
Hanesan AIFAESA nia knaar ida mos atu halo divulgasaun no informasaun ba ita nia operadores ekonomiku sira atu bele hatene kle’an liu tan servisu ne’ebe mak AIFAESA halo i felizmente aproveta mos ezistensia AIFAESA nian Tinan 10, ami hanoin katak atividade sientifiku hahu halo iha Munisipiu Covalima ho razaun ida katak Munisipiu ne’ebe mak risku boot ba iha tranzasaun sira mak hanesan Frontarista, entaun ida mak Covalima, Maliana, Batugade ho Oe-Cusse no ita hahu ho Covalima no depois tuir mai sei ita hare mos ba iha Bobonaro, ida ne’e atu bele minimiza ona produtus ne’ebe mak tama tanto legal no ilegal, tanba ida ne’e mak ohi ami hala’o seminariu sientifiku iha Munisipiu Covalima au mesmu tempu iha ekipa ida halo monitorizasaun ba baze ne’ebe mak ita nia Inspetor Tekniku sira hala’o hela inspesaun ba iha area komersiu, industria ho turismu i agradese hetan mos antuziasmu husi ita nia operadores ekonomiku sira tanba iha fulan hirak liu ba ekipa mai halo tiha ona sosializasaun iha ne’e mais la dun hetan partisipasaun maximu maibe ohin hetan partisipasaun maximu. Ita hanoin katak ezistensia AIFAESA ne’e la’os foin hanesan hau mensiona tinan 10 i esforsu tomak ne’ebe mak Governu halo atravez de AIFAESA halo sensibilizasaun edukasaun ba iha ita nia Operadores Ekonomiku sira kuaze kobre teritoriu laran tomak maibe mos ami husu nafatin kolaborasaun husi Operadores Ekonomiku sira katak uma vez ita boot sira hatene ona informasaun ita boot sira tenke kumpri tanba ita koalia konaba Elisitu Krime tanba ita koalia kona-ba prosesu krime ne’e la’os papel AIFAESA nian, ami simplesmente kanaliza informasaun, AIFAESA klari nia iha sansaun ne’ebe mak rigor tuir rezimentu legais AIFAESA nian.” Odete da Silva Viegas, haktuir.
Reprezenta Prezidente Autoridade Munisipiu Covalima Alberto Moniz de Araujo hato’o nia diskursu sente onradu tanba foin primeira vez realiza seminariu Sientifiku iha Munisipiu Covalima hodi fahe informasaun importante sira ba Operadores Ekonomiku sira.
Hanesan Autoridade sente onradu no orgullu tanba bele mai realiza seminariu boot ida iha ne’e e papel autoridade nian mak ida ne’e ita boot sira hanesan ema emprezariu ka Operador Ekonomiku sira tenke le barak para iha kuñesimentu naton saida mak AIFAESA dala ruma AIFAESA mosu mai Keos oan sira, Loja oan sira, Hotel oan sira hakfodak fali, maibe sira nia papel mak ne’e duni, Loja sira la bele fa’an sasan ne’ebe mak EXPIRY se ita boot sira fa’an sasan ne’ebe mak EXPIRY ninia afeta ne’e ba ema sira ne’ebe mak sosa ne’e tanba ema sira sosa ne’e la bele konsidera hanesan ema seluk ne’e ita nia familia deit, tanba ne’e mak husu ba ita boot sira hanesan mos parseiru dezenvolvimentu ba autoridade ida ne’e atu servisu hamutuk tanba sira mai ne’e atu fahe sira nia matenek ba ita tuir prosedimentu no regras ne’ebe mak entrada em vigor, iha asuntu ida seluk ita Covalima hanesan Centru pontu de entrada aat ka di’ak tama hotu iha ne’eba tanba balun liu husi jalan tikus, balu liu husi ponte leten sasan sira ne’e tama mai tanba ne’e ita iha papel relevante barak atu responsabiliza ba sasan sira ne’ebe tama mai ne’e, tanba ne’e husu ba ita hotu atu kolabora liu liu ba empreza internasional sira, hau husu ba kompaña internasional sira ne’ebe mak halo aktividade iha Munisipiu Covalima halo kolaborasaun ho autoridade lokal no instituisaun relevante sira.” Alberto Moniz de Araujo, relata.
Aktividade Seminariu Sientifiku ida ne’e realiza iha Salaun Domin Suai no partisipa maximu husi Operadores Ekonomiku, Autoridade Relevante hanesan SERVER,I.P, Inspesaun Geral, Gestaun Merkadu oinsa atu elabora hanoin hamutuk ba ekonomia Munisipiu Covalima tuir informasaun sira husi AIFAESA.
Jornalista Paul Mandeu
