Covalima (RCCT) 08-06-2026-Secretaria de Estado para a Politica da Formação Profissional e Emprego (SEPFOPE) Municipio Covalima hahu loke oportunidade ba kandidatu trabalhador 430 ne’ebe agora hahu kompleta dokumentu hodi ba servisu iha Australia.
Diretor SEPFOPE Munisipiu Covalima Stefanus Segundo Manek deklara kandidatu trabalhador 430 ne’ebe kompleta dokumentu iha SEPFOPE Munisipiu Covalima ne’e nai husi kandidatu traballador etapa daruak nian ne’ebe kompleta ona formasaun lian ingles durante fulan 06 iha tinan 2025, tanba ne’e presija kompleta dokumentu bazeia ba rekezitu ne’ebe iha hodi bele ba servisu iha Australia.
Kompleta dokumentu iha faze segundo nian ami iha 430 ne’ebe mai update sira nia dokumentus signifika sira ne’e iha sistema ona no hetan ona numeru referensia mak sira mai update sira nia dokumentus ne’e, maibe dokumentus ne’ebe presija update mak dokumentus hotu-hotu tenke Valido hanesan Pasaporte, BI, Bom Comportamento, Eletoral no Certifikadu tenke kompletu, depois de update hotu ami husi munisipiu sei haruka ba Nasional no Nasional mak desidi no atu bolu sira ba servisu iha Australia ne’e Kompaña ka Ajensia sira iha Australia mak bele hatene, husi ami nia parte mak prosesu to’o Nasional deit selain ida ne’e ami la bele to’o iha ne’eba.” Stefanus Segundo Manek relata.
Kandidatu Traballador Melquior Agostinho husi ba SEPFOPE Munisipiu Covalima atu evita aktu familiarismu no partidarismu durante prosesu kompleta dokumentu atu nune’e sidadaun hotu bele hetan oportunidade ne’ebe hanesan hodi kompete iha merkadu traballu sira iha rai liur.
Iha pontu promeiru presija mos ita nia nesesida i segundu presija mos ita nia esperiensia tanba ita nia nasaun presija ema atu ba servisu iha ne’eba para bele hetan esperiensia hodi servisu para bele sustenta familia sira, tuir ha’u nia hatene karik ita sidadaun presija imparsial iha servisu atu nune’e ita nia joven dezempregu sira atu bele pasa ho sistema ida ne’e signifika la bele pratika familiarismu iha sistema ida ne’e.” Melquior Agostinho relata
Diretor SEPFOPE Munisipiu Covalima mos husu ba sidadaun hotu ne’ebe servisu ona iha Australia atu nafatin kumpri kontratu ne’ebe Governo Timor-Leste liu husi SEPFOPE halo ona ho Empreza sira iha nasaun Australia hodi la bele sai husi sistema.
Jornalista Paul Mandeu
