Covalima (RCCT)-13-01-25-Iha Tinan 2025 Servisu Munisipal Apoiu Organizasaun Naun Governamentais no Organizasaun Komunitaria Munisipiu Covalima hetan Alokansaun orsamentu hamotuk dollar amerikanu ruhun nen ($ 6,000.00) hodi hala’o atividade prioridade hat.
Diretóra Servisu Munisipal Apoiu Organizasaun Naun Governamentais no Organizasaun Komunitaria, Maria de Jesus Perreira informa iha faze dahuluk sei realiza formasaun ba Ofisial Apoiu Suku 30, kontinua ho faze daruak fo formasaun ba Ofisial Asuntu Sosial Suku sira, faze ruak faze da toluk sei hala’o enkontru ho parseiru dezenvolvimentu sira iha Munisipiu Covalima no etapa ikus mak sei hahu halo Sosializasaun konaba espansaun suku iha Debos.
“Q4 nian ami sei halo sosializasaun ho membru konsellu Suku Debos, tanba Suku Debos area ida ne’ebé luan tan ne’e sira hakarak aumenta tan suku foun halo pemekaran suku, ba suku foun ne’e iha tinan ida ne’e ami haklarak sosializasaun uluk depois maka sira halo proposta ba ministeriu atu bele hare asuntu ida ne’e liliu sira ne’ebé hakarak sai suku foun, no sira ne’ebé hakarak sai suku foun tenke tuir kriteria ne’ebé iha” informa Diretóra Servisu Munisipal Apoiu Organizasaun Naun Governamentais no Organizasaun Komunitaria, Maria de Jesus Perreira.
Nia haktuir formasaun ba ofisial suku no ofisial asuntu sosiais iha suku 30 ne’e sei realiza iha fulan Febreiru-Junu.
“Sim ami nia planu ne’e sei realiza iha fulan Febereiru ne’e sei realiza uluk formasaun ba ofisial administrasaun suku-30, formasaun ba ofisial asutu sosiais suku 30 nian sei realiza iha fulan junu, ba faze datoluk nian halo enkontru ho parseiru dezenvolvimentu sira iha Munisipiu Covalima sei realiza iha fulan Setembru no planu ba Quarter 4 nian konaba sosializasaun sei akontese iha fulan Novembru 2025, tuir orsamentu ne’ebé ami tau iha panu” nia dehan.
Diretóra Servisu Munisipal Apoiu Organizasaun Naun Governamentais no Organizasaun Komunitaria Maria de Jesus Perreira mos informa, planu halo sosilizaun ba konsellu Suku Debos konaba espansaun suku hafoin mak foin halo proposta ba governu hodi hari suku foun iha Debos, Suai, Covalima.
Jornalista : Julio Salinas
Editor : Chamot Nahac
