Covalima (RCCT) 28-01-25-Hahu fulan Janeiru to’o Dezembru 2024 Servisu Rejistu no Verifikasaun Emprezarial, Instituto Publiku (SERVE I.P) Sukursal Covalima halibur osan hatama ba kaixa jeral estadu ho montante dolaraAmerikanu rihun rua nulu, atus tolu sia nulu resin sia, sentavus lima nulu ($ 20, 399.50).
Nune’e iha Janeiru 2025 SERVE I.P Covalima Kontinua halibur osan husi husi komunidade ka kliente sira mai hasai lisensa komersial hamotuk dolar Amerikanu rihun ida atus tolu, tolu nulu resin hitu ($ 1,337.00).
“ SERVE I.P Sukursal Covalima iha tinan 2024 ita rekolla reseitas hamutuk ($ 20, 399.50, ne’e rekolla mai husi emprezariu-842 ne’e kompostu husi novo rejistu 265, renovasaun ka hamoris lisensa CRC-428 no alterasaun ka mudansa no aumenta atividade-149, reseitas sira ne’e ita foti husi novo rejistu ka Enome Individual (ENIN)-17, unipesoal Lda-7, renovasaun husi ENIN-22, Unipesoal Lda-8, Lda-1 no mos iha alterasaun unipesoal Lda-3 nne’ebé total hamutuk-58 ne’ebé maka ita rekoila reseitas iha fulan Janeiru 2025 nia laran” Koordenador SERVE I.P Sukursal Covalima, Domngos Amaral, informa.
Nia afirma reseitas ne’ebé SERVE I.P Sukursal Covalima rekoila ne’e, kliente sira maka ba selu direita iha Banku Nasional Komersiu Timor-Leste (BNCTL), SERVE I.P simu de’it recivu husi kliente.
“Ita la simu direita husi kliente, reseita sira ne’e selu direita ba iha banku, sira mai rejistu foun mai ligadu ho sektoral nia sei selu osan ho montante dolar amerikanu nen nulu ($ 60.00), ba sira ne’ebé atu renovasaun CRC ne’e kona gastu dolar amerikanu sanulu ($ 10.00), ba TIN emprime kona selu gastu dolar amerikanu lima ($ 5.00), konaba legaliza ba 20 folla ne’e kona gustu dalar amerikanu ida ($ 1.00), depois fasilita sira nia arkivu ka sira nia dokumentus lakon ita fasilita koloridu ne’e sei selu osan dolar amerikanu lima ($ 5.00), maibe la koloridu kona selu dolar ida ($ 1.00). nia dehan.
Entertantu tuir relatoriu rejistu mensal publika liu husi website ka situs SERVE I.P nian katak dadus rejistu komersial Munisipiu Covalima Janeiru to’o Dezembru 2024 rejistu hamutuk-843, kompostu husi rejistu foun ka novo rejistu hamutuk-265, renovasaun ka hamoris lisensa no CRC hamutuk-428, alterasaun ka mudansa no aumenta atividade hamutuk-149, no dadus rejistu komersial Munisipiu Covalima iha loron 22 janeiru 2025 foun hamutuk-58 kompostu husi ENIN-39, unipesoal Lda-18. Enkuantu tuir dadus rejistu komersial Munisipiu Covalima ne’ebé hahu estabelese iha fulan juñu 2020 to’o janeiru 2024 atinji ona hamutuk 1.090 kompostu husi ENIN-829, Unipesoal Lda-222, Lda-19 no S,A. R,P. No E.P laiha.
Jornalilsta : Julio Salinas
Editor : Chamot Nahac
