Covalima (RCCT) 13-04-21 Relasiona ho akontesimento udan bo’ot foin lalais, nebe hamosu inundasaun hodi estraga komunidade sira nia produto lokál iha to’os no natar laran iha Municipio Covalima, maka Ministerio Agrikultur no Peskas (MAP) Covalima identifika ona To’os ho Natar hamotuk 161 iha Posto Administrativu 3 (Suai, Zumalai, Tilomar) maka lakon sira nia protudu iha to’os laran.
Kasu lia ba Jornalista RCCT Diretur Agrikultor e Pesca Municipio Covalima Zeferino Amaral informa, dadus nebe MAP-Covalima identifika iha Posto Administrativu 3 hamutuk, Natar hektares 38,05, no To’os hektares 33,35, ho numero Agrikultor iha Posto Administrativu 3 ne’e hamutuk 161 maka hetan estragus sira nia To’os ho Natar.
“ Relasiona ho udan bo’ot nebe maka akontese iha loron hirak liu ba hetan duni estragus iha to’os ho natar iha Posto Administrativu Suai, Zumalai no Tilomar nebe kauza husi inundasaun, no bzseia ba ekolha dadus nebe maka afetado, total hektares To’os ho Natar hamutuk hitu nuluh resin, kompostu husi natar hektar 38 resin no To’os 33 resin hektares no numero Agrikultor hamutuk 161 ” Dehan Diretur MAP Covalima iha nia kna’ar Fatin.
Diretur MAP Covalima salienta, relasiona ho dadus hirak ne’e, MAP Covalima sei halo intervensaun hodi halo distribui fali fini ba Agrikultor sira nebe maka hetan estragus atu nune’e bele kuda fila fali iha to’os no Natar.
“ To’os ho natar nebe maka hetan afetado husi inundasaun, MAP Covalima sei halo intervensaun atu nune’e ita prepara fini ba ita nia Agrikultor sira nebe maka afetado atu nune’e sira bele kuda fila fali ” Diretor MAP ne’e Salienta.
Entertanto Diretor MAP Covalima mos dehan, dadus nebe maka rekolha husi Extensionista sira nebe destaka iha Posto no Suku iha Munisipio Covalima Posto Administrativu Tolu (Suai, Zumalai, no Tilomar) maka hetan estragus To’os no Natar ne’ebe kauza husi udan bo’ot foin lalais.
Jornalísta : Tynho Gusmão & Aje Ferreira
Editór : Chamot Nahac
