Xefe Suku Ogues Emposadu ne’e, deklara ho orgullu sei pratika siensia ne’ebé nia hetan durante halo estudu iha universitariu konaba dezenvolvimentu komunitaria liu liu sei re organiza fali lei tara bandu ne’ebé durante ne’e maibe la funsiona, organiza komunidade sira atu halo pratika agrikultur ne’ebé diak hodi hametin sobernia aihan.

“Hakarak repossaveliza ba siensia ne’ebé mak iha durante ne’e, iha planu feitu ne’ebé mak iha tuir kontextu suku ogues nian, oinsa mak atu re organiza hikas lei tara bandu ne’ebé mak iha durante ne’e iha maibe la funsional, atu bele hadi’a fila fali nudar normas ida ke ita nia lia na’in sira halo ona, ne’e hanesan falores no matenek lokal ne’ebé ita nia lia na’in sira estabelese, hanesan foin sa’e ita kontunia hanesan baze ba dezenvolvimentu suku” Espelika Xefe Suku ogues Emposada, Febriano Perreira.

Nia mos dehan sei hametin sobrania ai han ba komunidade liu husi servisu hamotuk ho komunidade sira pratika agrikultura ne’ebé di’ak liu.

“Iha mos Agrikultur integradu, hanoin situasaun ohin loron ita hare iha suku ogues pratika agrikultura ida ne’ebé ke uniku no komesa deminiu ona ita nia soberanu ai an, husi programa ida ne’e. Ha’u hanoin katak hakarak halo servisu hamotuk ho komunidade foku ba agrikultura nune’e bele hasa’e produsaun arikola iha família” katak Febriano

Xefe Suku Ogues ne’e mos dehan sei organiza desportu komunitariu hodi hametin pas no estabilidade iha suku laran. no mos re organiza juven sira ne’ebé involve iha arte marsial hodi kontribui ba setor proditivu sira no luta ba auto sufisiensia ba an rasik hodi la depende ba inan aman sira.

“hakarak mos fokus ba desportu komunitaria, ohin loron ita hare katak iha desportu amizade nafilak fali ba desportu ida ne’ebé ke konflik entaun ita bele re organiza fila fali hodi halo jogus ida ne’ebé ke komunitariu halo kompetisaun ida ne’ebé saudavel entre aldeia lima ne’ebé ita iha” Nia fundamenta.

Nia mos dehan sei estabelese sentru media komunitaria iha suku hodi espanda pontensia sira ne’ebé suku ogues iha.

“Ita mos atu estabele sentru ba media komunitariu, husi media ne’e rasik ita bele espanda potensia kada suku ne’ebé ita iha ho nune’e ema hotu bele Konese” tenik nia

Administrador Postu Administrativu Maukatar, Constantinho do Carmo Cardoso, husu ba Xefe Suku Eposadu sira valoriza konfiansa ne’ebé povu sira fo sai previleziu hodi halo dezenvolvimentu ho di’ak.

“Ba Xefe Suku eleitu sira, votus konfiansa ne’ebé ita hetan, ne’e hanesan previlejiu, maibe ne’e la’os atu aproveita tempu para outras os maneiras, kofiansa ida ne’ebé povu fo ne’e hanesan konfiansa ida ne’ebé maromak fo ba ita, orsamentu ba programa suku ne’e bo’ot tebes, lima pulu ribuk kada tinan, ita bo’ot sira labele hanoin katak, kandidatura ne’e tanba atu hetan osan lima puluh ribuh dollar ne’e, ne’e perigu ba imi” Administrador Postu Administrativu Maukatar Constantino do Carmo Cardoso enkoja.

Entretantu Xefe Suku Ogues mos dehan iha nia mandatu tinan hitu nia laran sei re organiza organizasaun arte marsias nudar forsa ida iha suku laran hodi kontribui ba setor produtivu sira hodi luta ba auto sufisiensia ba sira nia an rasik atu labele depedensia ba inan no aman.

Jornalista : Julio Salinas/Moichung

Editor : Chamot Nahac