Covalima (RCCT) 29-04-25-Xefe Suku Belekasak, Leonito Gusmão, preokupa kona ba Postu Mali Loek ne’ebé governu liu husi Ministru Obras Publika (MOP) lansa ona fatuk dahuluk iha loron 22 Fulan Novembru Tinan 2024 maibe to’o ohin loron kontrusaun ba ponte refere paradu.
Xefe Suku Belekasak, Leonito Gusmao, dehan to’o agora kompañia ne’ebé manan tenderizasaun seidauk hala’o servisu konstrusaun Ponte Mali Loek.
“Preokupa dadaun tanba iha fulan hirak liu ba kotuk tau fatuk dahuluk Ministru Obras Publika mai mai no ha’u mos asiste direita, no hanesan uma na’in ba Ponte ida ne’e sente preokupa, ne’ebé prosesu la’o dadaun ita nia kompañia Aitula maka manan ne’ebé sira prosesu hela sira nia ekipamentu ne’ebé maka atu uza ne’e sira tenke koko iha rai liur” Xefe Suku Leonito Gusmão informa.
Portantu tuir informasaun ne’ebé Jornalista sira rekolla, Kompañia Manan na’in Seidauk hahu halo’o servisu maske Governu liu huis MOP no Autoridade sira halo ona serimonia lansamentu fatuk dahuluk, basa dadaun ne’e kompañia manan na’in sei halo teste laboratorium ba ekipamentu sira.
Putantu kompañia manan na’in ba projetu refere maka hanesan Dany Star Unip, Lda no Join Venture ho Djeje Oal Unip, Lda, ho total orsamentu hamotuk $ 1,119, 530.98, no durasaun ba servisu durante fulan 8 nia laran.
Jornalista : Julio Salinas
Editor : Chamot Nahac
