Covalima(RCCT) 01-03-21-La asesu ba merkadu, Xefe Suco Quintinu Esforsu buka fos, fo apoio ba Komunidade iha Aldeia Belulik Kraik bele Sosa rasik ho folin kada saku $17.00.
Informa ba Radio Cova Taroman via telefone xefe suco Belulik Leten Quintino Jose Amaral, hatente fos agora iha fatumea stok hotu, iha Keoske sira laiha ona fos nebe sira faan ba komunidade sira seluk.
Xefe Suco dehan, fos iha Keoske sira iha fatumea hela deit saku 20 nebe komunidade barak mak iha Aldeia Belulik kraik la hetan fos ne’e.
“Aldeia Belulik-Kraik total populasaun 731 Xefi Familia 161 agora dadauk halerik ona ba ai han tamba ne mak ha’u Nudar Xefi suku buka solusaun hamutuk ho loja na’in Antar mai iha dalan hodi hasoru nune’e komunidade bele sosa husi keos na’in, nebe fasilita direita husi Xefi Aldeia Belulik kraik Mariano do Rego ho komunidade, maibe Fos hela deit restu 20 sak. sira balun lahetan.” Dehan Xefe Suo Belulik Leten Quintino Jose Amaral ba RCCT Via telefone.
Xefe Suco Belulik Leten mos Preokupa Komunidade la mate ba corona virus maibe bele mate tanba hamlaha.
“Ha’u Preokupa los, ami nia komunidade bele bele la mate tanba Corona maibe bele mos mate tanba hamlaha, tanba ami iha ne’e hasoru problema boot rua, situasaun Covid-19 no mos Menus Aihan” Nia hakotu.
Ekipa Kobertura RCCT
Editor : Chamot Nahac
#Hamutuk_Ita_Luta_Kontra_COVID-19:#Uja_Maskara#Fase_Liman_Beibeik_Ho_Sabaun #Halo_Distansia_Fisiku.
