Covalima (RCCT)
26-07-24 Veteranu Luciano da Silva Kodigo “Welotu” moris iha Suku Beiseuk Postu
Administrativu Tilomar, Munisipiu Covalima iha loron; 01 fulan Janeiru tinan 1956.
Oan husi Celestino Ximenes ho Celestina Nunes, Welotu termina nia pregrinasaun
moris iha loron 24 fulan jullu 2024, prega faluk ba nia kaben Paulina Nunes hodi
sarani aman lalek ba nia oan na’in 8.

Saudozu Welotu husik
hela mundu tan sofre moras komplikadu, familia konsege esforsu hodi halo
tratamentu saude, maibe maromak foti desizaun dirente ho familia nia hakarak.
Saudozu nia oan mane bo’ot Agustinho Nunes da Silva haktuir katak, Saudozu
welotu hahu sofre moras iha fulan Marsu to’o rohan husi Fulan Jullu, Partikularmente
iha loron 24 Saudozu taka matan, kukus ibun, lian laek, halo familia tenki kari
matan wen.

“Ha’u nia pai hetan moras hahu husi fulan marsu  mai to’o jullu, moras ne’ebé hanesan tuir
mediku sira, nian estomuk kanek ne’ebé mak halai liu ba tumor tumor, ne’ebé
ha’u nia apa nia tumor estadion hat, tumor ne’ebé ho nia kategori ikus onan
tanba ida ne’e maka realidade katak aimoruk atu halo kura ba moras ida ne’e
laiha, ami hanesan oan ho familia tomak esforsu atu halo kurtivu ba nia nia
moras ida ne’e realidade iha dia 24 fulan Juilho 2024 ha’u nia pai hetan susar
iha ami nia liman laran, sentimentu ne’ebé ami sente triste tebes liu liu ha’u
nudar oan mane bo’ot senti triste no senti laran susar tanba lakon duni  ona ami nia aman ne’ebé ami hadomi durante
ami nia vida moris tomak hodi nia maka ami 
bele hetan mundu ida ne’e ninia furak 
se laiha ita nia aman ita mos lahetan mundu ida ne nia furak”  Oan Kiak Agustiho hasara.

Partisipa iha
Serimonia vunebre ba Saudozu Welotu, Reprezentante Konsello Veteranus Munisipiu
Covalima, Segundu Vice Sekretari Zona Foho Maten-Tilomar  Marcelo de Jesus Agustinho Mauk Kodigu
“Lamesak Diehegue” husu ba oan kiak sira atu banati tuir saudosu welotu nia ain
fatin ne’ebé ho prinsipiu firme hasoru situasaun apertada.

“Ita akompaiña hodi asiste saudoso  Luciano da Silva “Welotu” ninia partisipasaun
iha prosesu tomak, nasaun ida  ne’e atu
sai soberanu nia mos hola parte kedas iha nia vida sei joven ne’ebé familia
hotu mantein pozisaun saudosu Luciano da Silva “Welotu” ninian ne’e labele
husik maibe nafatin  halo tuir ninia
prinsipiu fuan ho laran metin na fatin jerasaun ba jerasaun hodi defende rai
ida ne’e”
Lamesak Diehegue dehan.

Saudoso Luciano
da Silva Kodigu “Welotu” iha maun alin hamutuk tolu (3) mane rua no feto ida,
saudosu hahu nia estudu iha munisipiu bobonaro husi tinan 1970-1973, Saudoso para
nia estudu iha segundu klase wainhira mosu golpe tinan 1974, Saudosu forma familia
ho Paulina Nunes, iha tinan 1980, husi kazamentu ne’e hetan oan hamutuk nain
(8) mane (7) no feto (1).

Engkuantu Familia
Maktoban Halot Saudozu nia isin mate iha Taruik Besak Ren, Raihun, Suku Beiseuk,
Postu Administrativu Tilomar.

Entretantu, Saudozu
hahu involve iha Luta ba Libertasaun Nasional nudar Frente Armada Hahu iha 10 fulan
Setembru 1975 to’o 05 fulan Dezembro 1978 Saudozu okupasaun hanesan postu
Soldado FALINTIL.

Hahu iha fulan
setembru tinan 1998 Saudozu Welotu kontiua involve iha frente Clandestina,  hahu husi Munisipiu Ermera, Região IV iha
Kaixa Ernesto Daniel Alias “DUDU” liu husi responsavel Valenti Abel ho kodigo
“MAU KIAK” To’o Iha tinan 1991 Saudozu Welotu kontinua hala’o ninia aktividades
Clandestina iha Fronteira Covalima, Tilomar Nurep Raihun, iha Kaixa FO-MATEN
liu husi responsavel Agostinho Maia “MISTO” no Rogerio kodigo “Arbiru”.

Jornalista :
Moichung

Editor       :  Chamot Nahac