Covalima (RCCT) 26-03-25-Prezidente Republika Demokratika Timor Leste, Jose Manuel Ramos Horta, presta omenazen iha monument Masakre Setembru Negro Suai hodi fo onra Amo na’in tolu no matebean ne’ebe mate iha igreja Ave Maria Suai iha akontesementu 6 setembru 1999 liu ba.
“Hahu programa iha ne’e ho hakru’uk tau ai-funan ba martires iha Monumentu Masakre Setembru Negro Suai, tanba akontese iha tinan 1999 liu ba ema barak maka lakon vida inklui Amo lulik na’in-3” informa Prezidente Republika Jose Manuel Ramos Horta ba jornalista sira iha Covalima Kuarta (26/03).
Kari Ai funan no Sunu Lilin iha Monumentu Masakre Setembru Negro Suai, Prezidente Republika akompaña husi Assessor Prinsipál Asuntu Polítiku Prezidente Repúblika no mos membru governu sira mak hanesan Ministru Agrikultura, Vise Ministru Komersiu no Industria, Vise Ministru Infraestrutura, Sekretaria Estadu Dezenvolvimentu Lokal, Sekretaria Estadu Arte no Kultura.
Jornalista : Julio Salinas
Editor : Chamot Nahac
