Covalima(RCCT) 17-10-23–Relasiona ho lametasaun husi vendedor sira iha merkadu suai debos konaba ekipa jestaun merkadu bandu no taka vendedor labele fa’an sasan iha loja ou uma kioas hateke ba estrada.

Diretor Servisu Munisipal Jestaun Merkadu no Turismu, Vitorino do Carmo, dehan, vendederor sira ne’ebe loke rasik odamatan iha uma ne’ebe sira uja hodi fa’an sasan iha merkadu, hateke ba estrada ne’e kontra dekretu lei numeru 11/2024 no dekretu lei numeru 23/2019 nebe fo kompetensia ba serjestaun merkadu atu hapara no hasai vendedor sira nia lisensa.

“Odamatan ne’ebe sira loke ne’e viola ona dekretu lei numeru 11/2024 no dekretu lei numeru 23/2009 sira viola dekretu lei rua ne’e iha dekretu lei numeru 24 bainhira se mak la obedese ba jestaun merkadu nian ida ne’e ita bele taka, ita bele hasai nia husi lisensa ne’e iha dekretu lei ida ne’e hatete, depois iha dekretu lei numeru 23/2009 kuandu se mak viola dekretu lei ida ne’e ita bele hapara ninia negosiu no sei fo multa munimu rihun ida dolar Amerikanu” dehan Diretor Servisu Munisipal Jestaun Merkadu no Turismu, Vitorino do Carmo.

Diretor, Vitorino do Carmo, klarifika kuandu merkadu ida ne’ebé hamrik ho nia jestaun rasik maka atu akumula ema hotu hodi bele hetan hotu rendimentu.

Tan ne’e maka ekipa halo jestaun mekadu halo jestaun atu ema hotu nebe utiliza merkadu, hotu hotu bele hetan rendimentu, maibe la’os fo oportunidade ba ema estranjeiru ka Xineza sira.

“Bainhira merkadu ida hamrik ho ninia jestaun rasik tanba merkadu ne’e nia atu akumula ema barak atu bele hetan rendimentu hanesan, tanba ne’e mak ami halo jestaun, ami halo jestaun laos fo oportunidade ba ema Xineza halo jestaun atu sira ne’ebe utiliza propriedade estadu atu sira ne’e bele hetan hotu rendimentu ne’ebe mak hanesan, tan deit sira loke odamatan ba iha estrada sira nain rasik sobu halo odamatan ba estrada ema komprador sira la tama ba iha merkadu laran, ne’ebe merkadu laran ne’e laiha movimentu atu ema sosa produtu sira ne’ebe iha merkadu laran, merkadu nia orijinal odamatan ba iha estrada laiha tanba ne’e mak ami laos taka sira nia atividades negosiu iha merkadu, ami halo sira taka odamatan mai iha estrada para ema iha laran ne’e mos bele hetan rendimentu no sira labele halo engravamentu iha estrada liliu ba iha ema nia movimentu ba mai iha estrada” nia dehan.

Engkuantu molok vendedor sira iha merkadu suai debos, hato’o sira nia preokupasaun liu husi konfrensia impresa katak sira la satisfas ho ekipa jestaun merkadu suspende sira labele faan sira nia sasan.

“Ami Vendedor Merkadu Suai Covalima sira hotu la satisfas husi dirasaun Comercio tutela ba iha Administrasaun Munisipiu Cavalima nia tanba suspende aktividade ou hapara ami Vendedor nia aktividade atu la bele fa’an sasan iha ami nia kios Merkadu Suai Covalima, 2. Husu ba Nai Administrador Munisipiu de Covalima atu bele tau matan no bele hare rasik ami nia kondisaun hanesan ami Vendedor Merkadu Suai nian. tanba agora dadauk ami labele fa’an iha ami idak-idak nia kios Merkadu Suai Covalima, 3. Husi ami Vendedor sira hotu halerik tebe-tebes tanba ami labele fa’an ami nia sasan iha ami nia kios iha Merkadu suai tanba autoridade PNTL Munisipiu Covalima no dirasaun Komersiu tutela ba iha Administrasaun Munisipiu Covalima nian maka duni no taka rasik ami nia kios iha Merkadu Suai, Wainhira ami Vendecor Timor oan la bele fa’an ami nia sasan iha Merkadu Suai, husu mos ba dirasaun comersial no nai Administrador MunisipiuCovalima atu taka total Chinesa sira ne’ebé maka loke sira nia loza iha merkadu Suai nia fatin, 8. Husi ami Vendedor sira hotu iha Merkadu Suai, Covalima nian la satisfas hosi hahalok ne’ebé maka maltrata husi dirasaun Comersial tutela ba iha administrasaun Munisipiu Covalima nian no ba PNTL Municipiu Covalima duni no ami labele fa’an ami nia sasan iha ami nia kios Merkadu Sual Covalima nian” informa Porta Voz Vendedor Merkadu Suai Debos Ortençio Gomes deklara.

Vendendor merkadu debos mos husu ba autoridade sira iha covalima labele suspende deit sira nia atividade negosiu maibe husu atu taka mos ativudade bola guling no kasino iha gedung wanita.

Entretatu entretantu durante halo negosiu iha merkadu suai, vendedor sira mos selu taxa ba estadu kadu fulan no tinan no rendimentu nebe vendedor sira hetan husi halo negosiu iha merkadu suai debos hodi sustenta sira familia no selu oan sira nia eskola