Covalima (RCCT)-05-04-21- Komunidade uma kain 23 iha Suco Suai Loro Aldeia Loro Bairo Sukabi Mesak hetan apoiu nesesiade husi Ekipa Dezastre Naturais Municipio Covalima.
Ko’alia ba RCCT, Segunda feira ne’e Kordenador Fillial CVTL Municipio Covalima Domingos Amaral hateten nudar Sosiadade Sivil atu kompleta servisu Guvernu nudar auxiliador governu hodi serbisu iha area dezastre nian no hodi fo apoiu emerjensia.
“ Ita nudar Sosiedade Civil atu kompleta deit Guverno nia servisu balu nudar Auxiliador Guverno, entaun ita servisu iha parte dezastre nian, bainhira mosu dezastre karik, ita kopera malu oinsa atu fo resposta ba dezastre nebe akontense, tan ne’e fatin nebe risku ita la bele hela, halo to’os, atu alerta ba ita bot sira iha ne’e ita atu responde deit emerjensia dezastre nebe akontese oinsa ita bot sira bele auguenta hein.” Dehan Kordenador Filial CVTL Domingos Amaral
Entretantu tuir observasaun Jornalista Rcct iha trenu nota katak, agora dadaun komunidade sira iha fatin afetadu evakua ona mai iha Suco laran ka iha fatin seguru no distribuisaun sasan ne’e hetan partisipasaun husi Administrador Municipio Covalima, Adminmistrdor Postu Suai, Komandante Polisia Municipio, Komandante F-FDTL Postu Tilomar ho Autoridade Lokal iha Suco Suai Loro.
Jornlista : Aje Ferreira
Editor : Chamot Nahac
